07.10.2026 | 23:19
Հայաստանը ՄԱԿ-ում ընդգծել է զարգացող երկրների համար միջազգային աջակցության և ֆինանսավորման կարևորությունը
Շենգավիթի ոստիկանները բացահայտել են տերմինալից արված գողությունը. մեկ անձ կալանավորվել է
Հասարակություն
27.10.2021 | 09:46
Հոկտեմբերի 10-ի առավոտյան օպերատիվ կառավարման կենտրոնից ոստիկանության Շենգավիթի բաժին հաղորդում էր ստացվել, որ վարչական շրջանի մի ավտոնորոգման կետից գողություն է կատարվել. տեղեկացնում են ՀՀ ոստիկանությունից։
Դեպքի վայր մեկնած օպերատիվ խումբը պարզել էր, որ հոկտեմբերի 9-10-ը տեխնիկական միջոցների գործադրմամբ բացել են դարպասը, կոտրել ներսում տեղադրված վճարային տերմինալի դուռն ու փող գողացել։ Հափշտակել էին նաև երկու էլեկտրական սղոց ու չորս աշխատանքային սարքավորում: Դեպքի առթիվ հարուցվել է քրեական գործ։
Գողությունը կատարած անձին և գողոնը հայտնաբերելու ուղղությամբ որոնողական աշխատանք էր սկսվել։ Քրեական հետախույզները բացահայտման ուղղությամբ ձեռնարկած միջոցառումների արդյունքում տեղեկություններ էին ստացել, որ գողությունը հնարավոր է կատարած լինի Երևանի 24-ամյա մի բնակիչ։
Հոկտեմբերի 21-ին կասկածվողը հայտնաբերվել ու բերման էր ենթարկվել ոստիկանության Շենգավիթի բաժին։ Նա կալանավորվել է։ Ձեռնարկվում են միջոցառումներ՝ գողոնը հայտնաբերելու ուղղությամբ: Դեպքի հանգամանքները նախաքննությամբ պարզվում են։
