02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
Բերման ենթարկելը ենթադրում է հարկադրանքի կիրառում. փոխոստիկանապետը` ոստիկանների բռնության մասին. ՏԵՍԱՆՅՈՒԹ
Հասարակություն
26.10.2021 | 14:38
ՀՀ փոխոստիկանապետ Արա Ֆիդանյանն այսօր Factor.am-ի հետ զրույցում անդրադարձավ մեծ աղմուկ բարձրացրած այն դեպքին, երբ ապօրինի շինության ապամոնտաժման ժամանակ մի տղամարդու բռնի ուժով բերման են ենթարկում նրա անչափահաս երեխաների աչքի առջև և ոստիկաններից մեկը հրահանգում է՝ գցե՛ք գետնին:
Ֆիդանյանի խոսքով՝ տեսանյութում ցուցադրվածն իրականությանն այնքան էլ չի համապատասխանում: «Նկարվել է սկզբում մի հատված, հետագայում մեկ այլ հատված: Այդ փաստի առնչությամբ քրեական գործ կա հարուցված, և դրանով պայմանավորված ամբողջովին բաց տեքստով չեմ կարող ասել, թե իրականությունն ինչպիսին է: Քրեական գործի ավարտից հետո, վստահեցնում եմ, բավականին հետաքրքիր տեղեկություններ կտարածվեն ոստիկանության կողմից»,- նշեց փոխոստիկանապետը:
Նա հավելեց, որ եթե քաղաքացիները կատարեն ոստիկանների պահանջները և դիմադրություն չցուցաբերեն, նրանք կոպիտ ձևով բերման չեն ենթարկվի:
«Բերման ենթարկելը ենթադրում է հարկադրանքի միջոցների կիրառում: Եթե անձը դիմադրություն է ցուցաբերում, հրաժարվում է կատարել ոստիկանի օրինական պահանջները, ապա ոստիկանությունն իրավասու է կատարել համապատասխան գործողություններ»,-նշեց Ֆիդանյանը:
Մանրամասները՝ տեսանյութում:
