15.05.2026 | 18:47
36 երկիր մտադիր է միանալ Ուկրաինայի դեմ Ռուսաստանի ագրեսիայի գործով հատուկ տրիբունալի աշխատանքին
Ակնկալում ենք, որ Ադրբեջանը կդադարեցնի դա․ ՀՀ-ում Իրանի դեսպանը դատապարտել է իրանական բեռնատարներից տուրք պահանջելը
Քաղաքականություն
25.10.2021 | 17:20
Հայաստանում Իրանի դեսպանը դատապարտել է Ադրբեջանի Հանրապետության՝ Հայաստանից Ադրբեջանի վերահսկողության տակ անցած ճանապարհով երթևեկելու համար իրանական բեռնատարներից գումարի գանձումը: Այս մասին դեսպան Աբբաս Բադախշան Զոհուրին ասել է Tasnim-ին տված հարցազրույցում։
Նրա խոսքով՝ ցավալի է, որ Գորիս-Կապան ճանապարհն օգտագործող իրանական բեռնատարներից պահանջվում է տուրք վճարել:
Դիվանագետը պարզաբանել է, որ տարանցիկ երթուղին օգտագործվել է վերջին երեք տասնամյակների ընթացքում։
«Իրանական բեռնատարները Հայաստան ժամանելուն պես տուրք են վճարում, և նրանցից հարյուր կիլոմետր առաջ նույնպես տուրք վճարել չի ակնկալվում: Մենք ակնկալում ենք, որ նրանք (Ադրբեջանի Հանրապետությունը) կդադարեցնեն դա՝ մինչև լրացուցիչ ճանապարհի նախապատրաստումը և որևէ խնդիր չի առաջանա»,- ասել է դեսպանը։
ՀՀ ԱԳ նախարար Արարատ Միրզոյանի հետ հոկտեմբերի սկզբին Թեհրանում կայացած հանդիպման ժամանակ Իրանի ԱԳ նախարար Հոսեյն Ամիրաբդոլլահիանը ներկայացրել էր նոր ճանապարհային քարտեզի պլանները, որոնք կբերեն Հայաստանի հետ հարաբերությունների «ռազմավարական մակարդակով» ընդլայնմանը: Նա նշել է, որ Իրանն ու Հայաստանը նախանշել են նոր նախագիծ՝ երկու հարևանների միջև բեռնատարների համար ապրանքների և երթուղիների տարանցումը վերականգնելու նպատակով՝ ասելով, որ ծրագիրն անմիջապես կիրականացվի։
Տաթև Ֆռանգյան
