29.03.2026 | 20:38
Եղիշե Մելիքյանը՝ Բելառուսի հավաքականից կրած պարտության մասին․ ՏԵՍԱՆՅՈՒԹ
Հայաստանի պետական պարտքը հատել է 9 մլրդ դոլարի շեմը
Տնտեսություն
25.10.2021 | 17:15
Հայաստանի պետական պարտքը ավելացել է՝ հատելով 9 մլրդ դոլարի շեմը։ Այս մասին տեղեկանում ենք Ֆինանսների նախարարության հրապարակած տվյալներից։
Սեպտեմբերի 30-ի դրությամբ պետական պարտքը կազմել է 9 մլրդ 31 մլն դոլար կամ 4 տրիլիոն 369 մլրդ դրամ։ Այն նախորդ ամսվա՝ օգոստոսի համեմատ աճել է 86 մլն դոլարով, իսկ 1 տարվա կտրվածքով ՝ 1 մլրդ 184 մլն դոլարով։
Պետական պարտքի մեծ մասը Կառավարության արտաքին պարտքն է, որը կազմում է 8 միլիարդ 564 մլն դոլար։ Սրա մեջ են մտնում արտաքին վարկերն ու փոխառությունները, ոչ ռեզիդենտների կողմից ձեռք բերված պարտատոմսերը, ոչ ռեզիդենտների կողմից ձեռք բերված արտարժույթային պետական պարտատոմսերը։
Տարեսկզբի համեմատ Կառավարության արտաքին պարտքն ավելացել է 1 մլրդ 190 մլն դոլարով։ Կառավարության ներքին պարտքը կազմում է 2 միլիարդ 372 միլիոն դոլար։ Սրա մեջ են մտնում ներքին վարկերն ու փոխառությունները, ռեզիդենտների կողմից ձեռք բերված պետական գանձապետական պարտատոմսերն ու արտարժույթային պետական պարտատոմսերը։ Կառավարության ներքին պարտքը կազմում է 6 մլրդ 192 մլն դոլար։
Պետական պարտքի 473 միլիոն դրամը Կենտրոնական բանկի պարտքն է։
Այսօր ԱԺ հանձնաժողովների համատեղ նիստում ներկայացնելով 2022 թվականի պետական բյուջեի նախագիծը՝ Ֆինանսների նախարար Տիգրան Խաչատրյանը նշեց, որ 2022 թվականին Հայաստանի պետական պարտքի մեծությունը կհասնի 4 տրիլիոն 740 մլրդ դրամի։ ՀՆԱ-պարտք ցուցանիշը կկազմի 60,2 տոկոս։
«Դա արդեն շատ մոտ է նրան, ինչից մենք պետք է չգերազանցող պարտք ունենանք հաջորդ հինգ տարիների համար։ 2022 թվականի ավարտին արտաքին պարտքը կկազմի ընդհանուր պարտքի 60 տոկոսը։ Քանի որ մենք ձգտում ենք ներքին պարտքի ավելացման հաշվին կառուցվածք փոխել, հաջորդ տարվա վերջին կունենանք պարտքի կառուցվածքում մոտ 31 տոկոս ներքին՝ դրամով ներգրավված պարտքի մասնաբաժին։ Մենք ունենք ռազմավարություն, որով սահմանել ենք ցուցանիշներ՝ պարտքի կառավարելի միջակայք ունենալու համար։ Մասնավորապես, պահանջներից մեկն այն է, որ պարտքի միջին ժամկետը պետք է կազմի 8-11 տարի։ Մեզ մոտ 2020 թվականին եղել է 8,8 տարի, 2022 թվականին կանխատեսվում է, որ կլինի մոտավորապես 8 տարի»,- նշեց նախարարը։
Անժելա Պողոսյան
