29.06.2026 | 17:10
Ինչո՞ւ և ինչո՞վ եք Ձեզ կաշկանդել․ Սեդա Սաֆարյանը՝ ԿԸՀ նախագահին․ ՏԵՍԱՆՅՈՒԹ
Տիգրան Աբրահամյանը՝ նոյեմբերի 9-ին ստորագրվելիք հնարավոր փաստաթղթի մասին․ ՏԵՍԱՆՅՈՒԹ
Քաղաքականություն
25.10.2021 | 13:13
ԱԺ «Պատիվ ունեմ» խմբակցության պատգամավոր Տիգրան Աբրահամյանը լրագրողների հետ հանդիպմանը անդրադարձավ մամուլում շրջանառվող տեղեկություններին, թե նոյեմբերի 9-ին Հայաստանը և Ադրբեջանը Մոսկվայում նոր եռակողմ փաստաթուղթ են ստորագրելու, և դիտարկմանը, որ ՀՀ-ԱԳՆ-ն ո՛չ հաստատում է, ո՛չ էլ հերքում է այս տեղեկությունը:
Աբրահամյանի խոսքով՝ նաև ՌԴ ԳՇ-ում պահվող քարտեզների հիման վրա տեղի է ունենալու սահմանների ճշգրտում։ «Մենք հնարավորություն ունեցել ենք ուսումնասիրելու քարտեզները՝ 20-ական թվականներից մինչև Խորհրդային միության փլուզում։ Բավականին նրբություններ ու առանձնահատկություններ կան։ Դրանք քննարկել ենք նաև խորհրդային սահմանադրությունների փոփոխությունների համատեքստում։ Մենք կարծում ենք, որ շտապողականությունը որևէ լավ տեղ չի տանելու։ Մանրամասն վերլուծության կարիք ունենք»,- նշեց պատգամավորը:
Նրա խոսքով՝ վաղը նախատեսվում է հրատապ քննարկում, որի ժամանակ համապատասխան կառույցների ղեկավարների ներկայությունն են ակնկալում, որի ժամանակ կքննարկվի նաև այդ հարցը։
«Շատ կարևոր է, թե ինչ փաստաթուղթ է քննարկման մեջ դրվելու, որովհետև անունը այլ բան է՝ պայմանական խաղաղության մասին, այլ բան է, թե ինչ է բովանդակության մեջ ներառված»։
Աբրահամյանը հայտնեց, որ քննարկումների արդյունքում ուզում են հասկանալ, թե իշխանությունն ինչ սկզբունքներով է առաջնորդվում, ինչ մոտեցում է որդեգրել և ինչ հաշվարկներ են դրանց հիմքում դրվել։
«Ընդդիմությունը շատ հարցերի պատասխաններ չունի։ Մեր նպատակն է ամբողջական տեղեկատվությունը հանրայնացնել, որպեսզի չունենանք այն իրավիճակը, ինչ նախորդ տարի նոյեմբերի 9-ին»։
Մանրամասները՝ տեսանյութում:
