13.12.2024 | 15:55
Դատախազը Սրբուհի Գալյանի փոխարեն տեղակալ է փնտրում․ հայտարարել է մրցույթ
Իշխանությունը փորձում է քողարկել սահմանագծում առկա իրավիճակը. Տիգրան Աբրահամյան․ ՏԵՍԱՆՅՈՒԹ
Քաղաքականություն
25.10.2021 | 12:46
Այն իրավիճակը, որ ստեղծվել է Հայաստանի ու Արցախի շուրջ, ավելին է, քան մտահոգությունը: Այս մասին այսօր հրավիրած խորհրդարանական ճեպազրույցում նշեց ԱԺ «Պատիվ ունեմ» խմբակցության պատգամավոր Տիգրան Աբրահամյանը։
«Ակնհայտ է, որ իշխանությունն ամեն կերպ փորձում է քողարկել սահմանագծում առկա իրական իրավիճակն ու քողարկել իր կողմից որևէ լուրջ քայլ չանելու գլխավոր պրոցեսը»,- նշեց պատգամավորը՝ հավելելով, որ իշխանությունը խուսափում է ընդդիմության հետ որևէ ձևաչափով քննարկումից։
Աբրահամյանի դիտարկմամբ՝ սահմանազատման հետ կապված բարդագույն իրավիճակ է։
«Հայաստանը միանգամից փորձում է միջազգային հանրությանը և շահագրգիռ կողմերին տեղեկացնել, որ ինքը շահագրգռված է դելիմիտացիայի գործընթացով, ընդհուպ, հղում է անում խորհրդային քարտեզներին, որի հիման վրա պետք է տեղի ունենան այդ գործընթացները», – ասաց պատգամավորը։ Նրա խոսքով՝ իշխանության՝ հրատապ այս քայլերի իրականացումը, շտապողականությունը բավականին հարցեր է առաջացրել։
Աբրահամյանն ընդգծեց՝ դելիմիտացիան բավականին երկար գործընթաց է ու կարող է Հայաստանը մտնել մի գործընթացի մեջ, որը հետագա տասնամյակներին բավականին վտանգավոր իրավիճակների կարող է բերել։
«Ցանկացած գործընթաց, որը տեղի է ունենում Հայաստանի ու Արցախի շուրջ, պետք է հաշվի առնել շատ կարևոր հանգամանք՝ Արցախի կարգավիճակի հստակեցումը, որի հիմքում պետք է լինի ինքնորոշման իրավունքի իրացման հարցը ու դրա միջազգային ճանաչման հարցը»,- ընդգծեց Աբրահամյանը։
Մանրամասները՝ տեսանյութում:
