17.07.2026 | 10:52
ԱՄՆ-ը հարվածներ է հասցրել Իրանում կամուրջներին, օդանավակայանին, երկաթուղային կայարանին․ զոհեր կան
Վերջնահաշվարկի պահանջ, չստացված աշխատավարձ․ այս տարի աշխատանքային իրավունքի խախտման 285 վարույթ է հարուցվել․ ՏԵՍԱՆՅՈՒԹ
Հասարակություն
22.10.2021 | 12:35
Աշխատանքային օրենսդրության վերահսկողության ոլորտում 2021թ. հարուցվել է 286 վարույթ, որոնցից 200-ը՝ դիմումների հիման վրա: «ԱԱՏՄ-ին վերապահված նոր լիազորությունները, Employeeprotect հարթակի հնարավորությունները» թեմայով ասուլիսում այս մասին նշեց ՀՀ առողջապահության և աշխատանքի տեսչական մարմնի աշխատանքային օրենսդրության վերահսկողության վարչության պետ Իգիթ Հակոբյանը:
«Սկզբնական շրջանում ԱՍՏՄ-ն վերահսկողություն էր իրականացնում միայն աշխատողների առողջության պահպանման և անվտանգության ապահովման բնագավառներում, հետագայում օրենսդրական փոփոխություններ կատարվեցին, որոնց արդյունքում տեսչական մարմնին վերապահվեց աշխատանքային իրավունքի նորմեր պարունակող այլ նորմատիվ իրավական ակտերի, կոլեկտիվ և անհատական աշխատանքային պայմանագրերի պահանջների կատարման նկատմամբ վերահսկողություն, ինչպես նաև տեսչական մարմնին վերապահվեց օրենքով սահմանված դեպքերում պատասխանատվության միջոցներ կիրառելու հնարավորությունը:
Վարչական վարույթների արդյունքում ընդունվել է 81 վարչական ակտ, տրվել են խախտումները վերացնելու կարգադրանքներ:
Հարուցված վարչական վարույթներից 159-ը կարճվել է: Ստացված 200 դիմումներից 197-ը վերաբերել են աշխատանքային օրենսդրության խախտումներին, երեքը՝ աշխատողների առողջության և անվտանգության ապահովմանը, 113-ը վերաբերել է վերջնահաշվարկ չկատարելուն և աշխատավարձերը չվճարելուն, 43-ը՝ աշխատանքային պայմանագրերի լուծման կարգը չպահպանելուն, 41-ը՝ այլ իրավախախտումների»,- նշեց Հակոբյանը:
Մանրամասները՝ տեսանյութում:
