13.12.2024 | 13:35
Պետք է լուծում տալ թափառող շների խնդրին ողջ հանրապետությունով․ ՏԿԵՆ-ում մարզպետների մասնակցությամբ խորհրդակցություն է անցկացվել
ՌԴ ԱԳՆ-ն Իրանին և Ադրբեջանին կոչ է անում սահմանին իրավիճակը կարգավորել դիվանագիտական ու քաղաքական ճանապարհով
Քաղաքականություն
21.10.2021 | 19:31
ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Իրանի և Ադրբեջանի միջև լարված հարաբերություններին։ Նա հույս է հայտնել, որ Թեհրանն ու Բաքուն քաղաքական-դիվանագիտական ճանապարհով կկարգավորեն իրավիճակը սահմանին, հաղորդում է ՌԻԱ Նովոստին։
«Մենք հետևողականորեն հանդես ենք գալիս Ադրբեջանի և Իրանի սահմանին լարվածության նվազման օգտին։ Համոզված ենք, որ բոլոր հարցերը՝ կապված իրար մտերիմ երկու պետությունների հետ, պետք է լուծվեն բացառապես քաղաքական և դիվանագիտական մեթոդներով, այդպիսով հաղթահարվում են տարաձայնությունները բարիդրացիության ոգով»,- ասել է Զախարովան այսօր կայացած ճեպազրույցի ընթացքում։
Հավելենք, որ վերջին շաբաթներին կտրուկ վատթարացել են Բաքվի և Թեհրանի հարաբերությունները։ Հոկտեմբերի 1-ին Իրանը նույնիսկ լայնամասշտաբ զորավարժություններ անցկացրեց Ադրբեջանի հետ սահմանին։
Էմմա Չոբանյան
