27.06.2026 | 11:04
ՍԴ-ն քննում է ընտրությունների արդյունքներն անվավեր ճանաչելու գործը․ ՈՒՂԻՂ
Նախընտրական խոստում է եղել, որը կատարվել է. Քերոբյանը՝ ԶՄՊԿ-ի՝ ժողովրդից թալանվածը հետ բերելու մասին. ՏԵՍԱՆՅՈՒԹ
Քաղաքականություն
21.10.2021 | 13:17
«Ես անձամբ հանդիպել եմ Ռոման Տրոցենկոյի հետ սեպտեմբերի 20-ին Հայաստանում տեղի ունեցած հայ-ռուսական բիզնես ֆորումի շրջանակներում և քննարկել ենք համագործակցությունը մետալուրգիական սեկտորում, պղնձաձուլարանի հետ կապված անելիքները: Այս մասին այսօր լրագրողների հետ զրույցում նշեց Էկոնոմիկայի նախարար Վահան Քերոբյանը:
«Եվ հիմա նախապատրաստում ենք ճանապարհային քարտեզ, թե ով ինչ գործողություններ պետք է կատարի, որպեսզի մենք երկու-երեք տարվա ընթացքում ունենանք աշխատող պղնձաձուլարան: Դա այս պահին էկոնոմիկայի նախարարության ունեցած տեսլականն է»,- նշեց նախարարը:
Նրա խոսքով՝ դեռ 100%-ով որոշված չէ, թե ում է պատկանելու պղնձաձուլարանը և ով ինչ մասնակցություն է ունենալու. «Հայաստանի մյուս հանքերի շահագործողները ևս հետաքրքրություններ ունեն, և հնարավոր է, որ մենք հրավիրենք նաև այլ ընկերությունների այս գործնթացի մեջ»:
«Ռոման Տրոցենկոն այդ հանդիպման ընթացքում, ինչպես նաև Հանրային հեռուստատեսությամբ ասել է, որ ինքը Հայաստանում տեսնում է իր գործունեությունը պետության և կառավարության հետ գործընկերային միջավայրում, և այդ տեսանկյունից իրենց գործարքի մի մասը նվիրել են Հայաստանի ժողովրդին, որպեսզի ցույց տան մտադրությունների լրջությունը»,- ասաց Քերոբյանը:
Նախարարը հավելեց, որ շուտով կորոշվի, թե որ կառույցը կղեկավարի ԶՊՄԿ-ն, դա կարող է լինել վարչապետի աշխատակազմը, կարող է լինել Էկոնոմիկայի կամ ՏԿ նախարարությունը կամ այլ կառույց:
Հարցին, թե արդյո՞ք Զանգեզուրի պղնձամոլիբդենային կոմբինատի բաժնեմասի որոշակի տոկոս պետությանն է անցել «թալանածը պետք է վերադարձվի» սկզբունքի հիման վրա, Քերոբյանը պատասխանեց.«Դա, ինչ-որ տեղ, նախընտրական խոստում է եղել, որն արդեն կատարվել է: Կարևորը փաստը տեղի է ունեցել»:
Անդրադառնալով հարցին, թե արդյոք Տիգրան Ավինյանն է նշանակվելու ԶՊՄԿ-ի տնօրեն, Քերոբյանը պատասխանեց, որ այդ մասին տեղեկություն չունի:
Մանրամասները՝ տեսանյութում:
