22.04.2026 | 23:30
ՀՀ տարածքում ավտոճանապարհները հիմնականում անցանելի են
Հայաստանում սոցիալական լուրջ խնդիրներ կան, բայց որոշել են ԶԼՄ-ներին 500-700 հազարի չափով տուգանել. Արամ Վարդևանյան. ՏԵՍԱՆՅՈՒԹ
Հասարակություն
21.10.2021 | 13:13
ԶԼՄ ներկայացուցիչները վերջին երեք տարում տեսել են, թե ինչպիսի գրոհներ են տեղի ունեցել ԶԼՄ-ների նկատմամբ այս իշխանությունների կողմից, և վստահ եմ՝ ԶԼՄ ներկայացուցիչները գիտեն, թե ինչ աստիճանի անհանդուրժող են քննադատության նկատմամբ այս իշխանությունները, և այդ ամենի համակցությունն արտահայտվել է հենց այս օրենքի նախագծով»,- ԱԺ-ում քննարկման ժամանակ այս մասին հայտարարեց «Հայաստան» խմբակցության պատգամավոր Արամ Վարդևանյանը` անդրադառնալով «Քաղաքացիական պայմանագիր» խմբակցության պատգամավորների կողմից շրջանառության մեջ դրած ԶԼՄ-ների մասին օրենքի փոփոխությունների նախագծին:
«Իրենք փորձում են այս օրենքի նախագծով պայքարել ֆեյքերի դեմ, բայց ոչ թե նրանց դեմ պայքարելով, այլ ԶԼՄ-ի։ Այսինքն` ոչ թե ասում են, որ անանուն դոմեն ունենալն է խնդիր, այլ՝ դրան հղում տալը: ԶԼՄ-ն, եթե հղում տվել է անանուն դոմենին, ինչպե՞ս պետք է պարզի՝ անանո՞ւն է, թե՝ ոչ»,- ընդգծեց Վարդևանյանը։
Նա հավելեց, որ ԶԼՄ-ն պետք է իր գործունեության մեջ ունենա ազատություն: Կա Սահմանադրություն, որը երաշխավորում է այդ գործունեության ազատությունը:
«Հայաստանում սոցիալական լուրջ խնդիրներ կան, բայց որոշել են ԶԼՄ-ներին 500-700 հազարի չափով տուգանել»,- նկատեց պատգամավորը:
Հիշեցնենք, որ «Զանգվածային լրատվության մասին» օրենքում փոփոխությունների նախագծի համաձայն՝ լրատվամիջոցները կենթարկվեն պատասխանատվության չնույնականացված աղբյուրներին հղում կատարելիս։
Մանրամասները՝ տեսանյութում:
