Հասարակություն
20.10.2021 | 11:36«Լոռիում ունենալով բարձրակարգ բժշկական կենտրոն, մենք բժշկական օգնությունը մոտեցնում ենք մարզի բնակիչներին, ինչը շատ կարևոր է»,- այս մասին այսօր հրավիրված ասուլիսում նշեց առողջապահության նախարար Անահիտ Ավանեսյանը:
Նրա խոսքով՝ պատերազմը նոր, արգելված զենքերի կիրառման հետևանքով երկարատև բուժման խնդիր է դրել մեր առջև:
«Վանաձորում բացված վերականգնողական կենտրոնը լինելու է համակցված՝ ներառելով մի շարք ուղղություններ, ինչպես ֆիզիկական, այնպես էլ հոգեբանական վերականգնման: Կենտրոնի անձնակազմը կապի մեջ է լինելու ֆրանսիացի և այլ երկրներից ներգրավված մասնագետների հետ:
Այս կենտրոնի բացումը ևս մեկ քայլ է, մեր հերոս զինվորներին վերադարձնելու բնականոն կյանք և նրանց շանս տալու, որ իրենց կարիքները՝ թե՛ կրթական, թե՛ կենցաղային, չբավարարված չմնան»,- նշեց Ավանեսյանը:
Նշենք, որ Վանաձորում վերականգնողական կենտրոնի բացման նախաձեռնությունը հնարավոր է դարձել «Ազնավուր» հիմնադրամի և Ֆրանսիայի Եվրոպայի և արտաքին գործերի նախարարության ճգնաժամային աջակցության կենտրոնի համաֆինանսավորման շնորհիվ:
Մանրամասները՝ տեսանյութում:
