18.02.2026 | 23:28
Ստեփանծմինդա-Լարս ավտոճանապարհը փակ է
Գուցե քարոզարշավի, թեկնածուի կամ այլ խնդիր է եղել․ Սիսակ Գաբրիելյանը՝ Գորիսում ՔՊ-ի պարտության մասին․ ՏԵՍԱՆՅՈՒԹ
Քաղաքականություն
19.10.2021 | 17:52
Հոկտեմբերի 17-ին կայացած ՏԻՄ ընտրություններում «Քաղաքացիական պայմանագիրը» երեք խոշոր համայնքներում՝ Գորիսում, Մեղրիում և Գյումրիում պարտություն կրեց:
Factor.am-ի հետ զրույցում անդրադառնալով հարցին, թե որն էր պարտության պատճառը, «Քաղաքացիական պայմանագիր խմբակցության պատգամավոր Սիսակ Գաբրիելյանը նշեց. «Կարծում եմ մասնակցության խնդիր կար, մասնակցությունը բավականին նվազ է եղել, սա էլ երևի թե իր օբյեկտիվ պատճառներն ունի, որովհետև վերջին 3 տարվա ընթացքում 2 ԱԺ ընտրություն անցկացվեց, վարչապետի մի քանի ընտրություն խորհրդարանում և այլն: Արդեն հասարակությունն էլ օբյեկտիվորեն հոգնել է ընտրություններից, տեղեր կային, որ ընդամենը 20-21 տոկոս էր մասնակցությունը: ՏԻՄ ընտրությունները կամ դրանց նշանակությունը այնքան էլ չի կարևորում մեր հասարակությունը:
Իսկ թե ինչու պարտվեցին, դեռ չգիտեմ: Այդ համայնքներում ընտրողները նախապատվությունը տվեցին այլ թեկնածուների: Ամեն դեպքում դրանով ոչինչ պայմանավորված չէ, դեռևս 36 համայնքներում կան ընտրություններ: Մենք քննարկումներ ենք արել, փորձել ենք հասկանալ մեր թերացումները»:
Դիտարկմանը, որ Գորիսում աննախադեպ իրավիճակ էր՝ հաղթանակ տարավ բանտում գտնվող և մի քանի քրեական գործերով անցնող Առուշ Առուշանյանը, Գաբրիելյանը արձագանքեց. «Այդ հարցին գորիսեցիները կարող են պատասխանել… Գուցե քարոզարշավի, թեկնածուի կամ այլ խնդիր է եղել»:
Մանրամասները՝ տեսանյութում:
