04.06.2026 | 10:34
Իսրայելն ու Լիբանանը համաձայնության են եկել հրադադարի շուրջ․ ԱՄՆ Պետքարտուղարություն
Աջափնյակի մետրոյի կայարանի նախագծման մրցույթը շահել է ռուսական ընկերությունը
Տնտեսություն
19.10.2021 | 12:03
Աջափնյակ վարչական շրջանում մետրոյի կայարանի նախագծման մրցույթում հաղթել է ռուսական «Մետրոգիպրոտրանս» ընկերությունը. Factor.am-ին հայտնեց Երևանի քաղաքապետարանի մամուլի խոսնակ Հակոբ Կարապետյանը։
«Բաց մրցույթ է եղել, հաղթողը կարող էր լինել ցանկացած երկրից»,- ասաց Կարապետյանը։
Նա ընդգծեց, որ այս պահին չկա հայկական ընկերություն, որը զբաղվում է մետրոյի կայարանների նախագծմամբ։ Թե որքան կտևեն կայարանի նախագծման աշխատանքները՝ քաղաքապետարանի մամուլի խոսնակը դժվարացավ պատասխանել։
«Գործընթացն իրականացնում է ՀՀ կառավարությունը, իսկ քաղաքապետարանը տեխնիկական միջնորդի դեր է խաղում գործընթացում»,- նշեց խոսնակը։
Ըստ Կարապետյանի՝ այս պահին դժվար է նաև հստակ նշել, թե Աջափնյակի մետրոյի կայարանի կառուցման աշխատանքները երբ կարող են մեկնարկել և երբ շահագործման կհանձվի այն։ «Գործընթացն առանց այդ էլ շատ է ձգձգվել: Բայց փաստն այն է, որ գործը, համենայն դեպս, ընթացքի մեջ է», – նկատեց Կարապետյանը:
Աջափնյակի մետրոյի կայարանը պետք է տվյալ վարչական շրջանը կապի «Բարեկամություն» կայարանի հետ և շահագործման դեպքում էապես կթեթևացնի երթևեկությունը քաղաքում:
Արփի Հակոբյան
