19.07.2026 | 16:59
Ձեռնարկվում են միջոցառումներ դեպքի մյուս մասնակիցներին հայտնաբերելու ուղղությամբ. ՆԳՆ
Կորոնավիրուսից մահացած ծննդկանը 30 տարեկան էր
14.10.2021 | 13:13
Կորոնավիրուսային հիվանդության բարդացումներից երեկ մահացած ծննդկանը 30 տարեկան էր, նա ծննդաբերել էր մահվանից մի քանի օր առաջ․ Factor.am-ին հայտնեցին Առողջապահության նախարարությունից։ Չնայած մասնագետների գործադրած ջանքերին՝ կնոջ կյանքը փրկել չի հաջողվել, իսկ նորածնի կյանքին վտանգ չի սպառնում։ Կինը կորոնավիրուսի դեմ պատվաստված չի եղել։
Առողջապահության նախարարությունը հորդորում է պատվաստվել անվտանգ հղիության և առողջ երեխաներ ունենալու համար, միաժամանակ հիշեցնում, որ COVID-19-ի դեմ պատվաստանյութերն անվտանգ են հղիություն պլանավորողների և հղիների համար և պաշտպանում են վերջիններիս վարակի բարդացումներից։
Նախարարության մամուլի քարտուղար Հռիփսիմե Խաչատրյանը Factor.am-ի հետ զրույցում հիշեցրեց, որ այս պահին Հայաստանում շրջանառվում է կորոնավիրուսի դելտա շտամը, որն արագ տարածման միտում ունի, բացի այդ այն չի խնայում նաև երիտասարդներին։
Նշենք, որ անցյալ տարի Հայաստանում կորոնավիրուսով վարակված 5 հղի է մահացել։ 2021 թվականին էլ արձանագրվել է 4 դեպք:
Արփի Հակոբյան
