19.04.2024 | 10:53
Ստուգայց փողոցային առևտրի դեմ պայքարի շրջանակում. ՈՒՂԻՂ
Մարիա Զախարովան՝ ՀՀ, ՌԴ և Ադրբեջանի հոգևոր առաջնորդների եռակողմ հանդիպման մասին
Քաղաքականություն
14.10.2021 | 13:24
Հայաստանի, Ռուսաստանի և Ադրբեջանի հոգևոր առաջնորդների եռակողմ հանդիպումը խնդիրների հաղթահարման և վստահության մթնոլորտի ձևավորման, ինչպես նաև հայ-ադրբեջանական հարաբերությունների կարգավորման ևս մեկ կարևոր ձևաչափ է: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ՝ ամենշաբաթյա ճեպազրույցի ժամանակ:
«Այս հանդիպումը առաջինը չէ, կրոնական առաջնորդների շփումները տասնամյակների պատմություն ունեն», – ասել է Զախարովան:
Նրա խոսքով, հոկտեմբերի 13-ին Մոսկվայում կայացած հանդիպումը կխթանի հայ-ադրբեջանական հարաբերությունների կարգավորմանը և Անդրկովկասում ընդհանուր իրավիճակի բարելավմանը, այդ թվում `վստահության ամրապնդմանը, հումանիտար հրատապ խնդիրների լուծմանը, մշակութային և կրոնական ժառանգության օբյեկտների պահպանմանը:
Նա նշել է, որ սա եզակի ձևաչափ է, որը նպաստում է կողմերի միջև փոխըմբռնման և միջկրոնական երկխոսության խորացմանը:
Հիշեցնենք, որ հոկտեմբերի 13-ին Մոսկվայում հանդիպել էին Ամենայն Հայոց կաթողիկոս Գարեգին Բ-ն , Մոսկվայի և Համայն Ռուսիո պատրիարք Կիրիլն ու Կովկասի մահմեդականների վարչության ղեկավար Ալլահշուքյուր Փաշազադեն։
