17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Հերթապահ բուժքույրերից պահանջել է սեղանին դնել բջջային հեռախոսները և իրեն տալ ունեցած փողը. 35-ամյա տղամարդը ձերբակալվել է
Հասարակություն
13.10.2021 | 15:18
Հոկտեմբերի 13-ին, ժամը 00.45-ին, ոստիկանության Արթիկի բաժին ահազանգ է ստացվել, որ «Արթիկ» բժշկական կենտրոնի ընդունարան շտապ ոստիկաններ մոտենան. տեղեկացնում են ՀՀ ոստիկանությունից:
«Անմիջապես մեկնած օպերատիվ խմբի ծառայողները պարզել են, որ ժամը 00.30-ի սահմաններում 35-ամյա տղամարդը արյան ճնշումը չափելու պատրվակով մտել է բժշկական կենտրոնի ընդունարան, մուտքի դռան վրայի բանալիով փակել այն, ապա գրպանից հանելով դանակը՝ ընդունարանի հերթապահ բուժքույրերից պահանջել սեղանին դնել բջջային հեռախոսները և իրեն տալ ունեցած փողը:
Ժամը 01.00-ին տղամարդը վնասազերծվել և բերման է ենթարկվել ոստիկանության Արթիկի բաժին:
Հանցագործության գործիք դանակը վերցվել է:
35-ամյա տղամարդը ձերբակալվել է:
Կատարվում է նախաքննություն»։
`
