06.08.2026 | 16:27
Ադրբեջանը պատրաստ է գազ մատակարարել Ուկրաինային․ կողմերը ռազմավարական գործընկերության ամրապնդման հարցեր են քննարկել
ՀԱՊԿ մշտական խորհրդի ղեկավար է ընտրվել կազմակերպությունում Հայաստանի մշտական ներկայացուցիչ Վիկտոր Բիագովը
Քաղաքականություն
12.10.2021 | 18:15
ՀԱՊԿ մշտական խորհրդի ղեկավար է ընտրվել Հավաքական անվտանգության պայմանագրի կազմակերպությունում Հայաստանի մշտական ներկայացուցիչ Վիկտոր Բիագովը: Այս մասին հայտնում է կառույցի մամուլի ծառայությունը:
Նշվում է, որ երեքշաբթի տեղի է ունեցել մշտական խորհրդի նիստը, որին մասնակցել է ՀԱՊԿ գլխավոր քարտուղար Ստանիսլավ Զասը:
2021-2022թթ. ՀԱՊԿ նախագահությունը ռոտացիոն կարգով Տաջիկստանից Հայաստանին փոխանցման կապակցությամբ` մշտական խորհրդի նախագահ է ընտրվել ՀԱՊԿ -ում Հայաստանի մշտական և լիազոր ներկայացուցիչ Վիկտոր Բիագովը:
Մշտական խորհրդի նիստի ընթացքում քննարկվել են օրակարգային հարցեր, որոնք վերաբերում են ՀԱՊԿ համագումարին և ցուցահանդեսային գործունեությանը և կազմակերպության անդամ երկրների արտաքին գործերի նախարարների հայտարարության նախագծի պատրաստմանը:
Տաթև Ֆռանգյան
