02.11.2024 | 15:55
Չինաստանում մեկնարկել է Խաչատրյանի անվան պատանեկան միջազգային մրցույթի եզրափակիչ փուլը
Մենք թույլ չենք տա ներքաղաքական իրավիճակը քայքայել. Վահրամ Բաղդասարյան. ՏԵՍԱՆՅՈՒԹ
Քաղաքականություն
26.03.2018 | 13:08
Իշխող Հանրապետականը մոտ ժամանակներս կքննարկի և կներկայացնի Հայաստանի վարչապետի իր թեկնածուին: Այս մասին այսօր խորհրդարանական ճեպազրույցների ընթացքում հայտարարեց ՀՀԿ խմբակցության ղեկավար Վահրամ Բաղդասարյանը:
«Մի քանի օր էլ համբերեք, մենք դրա հանգուցալուծումը կտանք և կհայտարարենք մեր թեկնածուի մասին»,- ասաց ՀՀԿ խմբակցության ղեկավարը:
Բաղդասարյանը վստահեցրեց՝ եթե ի վերջո որոշեն առաջադրել Սերժ Սարգսյանի թեկնածությունը, ապա անհրաժեշտ հիմնավորումներն իրենք կներկայացնեն: Ինչ վերաբերում է ընդդիմադիրների սկսած փողոցային պայքարին, ՀՀԿ-ական պաշտոնյան նշեց, որ իրենք այդ առումով որևէ անհանգստություն չունեն:
«Պետք է որ զգաք՝ մենք որևէ անհանգստություն չունենք, յուրաքանչյուր քաղաքական ուժ ունի իր ճանապարհային քարտեզը, ինքն է որոշում իր պայքարի ձևը: Ես հասկանում եմ, որ արտախորհրդարանական ուժերը փորձում են փողոցն օգտագործել, բայց անհասկանալի է, երբ խորհրդարանական ուժերը խորհրդարանը թողած՝ գնում են փողոցային պայքարի»,- հավելեց Վահրամ Բաղդասարյանը:
Մանրամասները՝ տեսանյութում:
