26.01.2026 | 14:45
ԶԼՄ-ների և լրագրողների դեմ ներկայացված դատական հայցերի թիվը 2025-ին աճել է․ ՏԵՍԱՆՅՈՒԹ
Շիրակի մարզում արձանագրվել է 970 հանցագործության դեպք․ 3 սպանություն․ Շիրակի դատախազ
Հասարակություն
11.10.2021 | 16:32
Շիրակի մարզի դատախազ Գուրգեն Գրիգորյանն այսօր մամուլի ասուլիս էր հրավիրել՝ ներկայացնելով իր պաշտոնավարման 9 ամիսների ընթացքում մարզում կատարված հանցագործությունների պատկերը։
Դատախազի խոսքով՝ 9 ամիսների ընթացքում արձանագրվել է 970 հանցագործության դեպք, նախորդ տարվա նույն ժամանակահատվածում եղել է 1019. հանցագործությունները նվազել են 49-ով։
9 ամիսների ընթացքում արձանագրվել է սպանության 3 դեպք, դրանց թիվն աճել է մեկով։
Ըստ դատախազի, չբացահայտված սպանություններ չկան, քրեական գործերն արդեն գտնվում են Շիրակի մարզի ընդհանուր իրավասության դատարանում։ Դատախազի տեղեկացմամբ, դրանցից մեկի նախաքննությունը շարունակվում է, այն ավարտական փուլում է։
«Դիտավորությամբ առողջությանը ծանր վնաս պատճառելու 13 դեպք է արձանագրվել, որից 10-ը բացահայտված է։ Այս հանցատեսակը ևս նվազել է 4 դեպքով։ Հրազենի, ռազմամթերքի ապօրինի շրջանառության 51 դեպք է արձանագրվել։ Ավազակության երկու դեպք է արձանագրվել, որոնք, ցավոք, դեռ բացահայտված չեն։
Էական նվազում ունենք գողությունների դեպքերով, արձանագրվել է 164 գողության դեպք, նվազել է 35 դեպքով նախորդ տարվա նույն ժամանակահատվածի համար։ Դրանից 31-ը բնակարանային գողություններ են, այստեղ էլ նվազում ունենք 17 դեպքով։ Արձանագրվել է կողոպուտի 6 դեպք, այս հանցատեսակը նվազել է 5-ով», – ասաց դատախազը։
Գուրգեն Գրիգորյանը նշեց, որ մտահոգիչ էր սեփականության դեմ ուղղված հանցագործությունների, նաև ավտոմեքենաներից կատարված գողությունների չբացահայտված լինելը։ Այդ պատճառով դատախազը միջնորդագրեր է ուղարկել Շիրակի մարզային ոստիկանության վարչության պետին՝ քարտեզագրել ու վեր հանելու այն թիրախային տարածքները, որտեղից հաճախ կատարվել են ավտոմեքենաների գողությունները, և սա տվել է իր զգալի արդյունքը։
Մանրամասները տեսանյութում:
