26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Երևանում 9-ամյա երեխա է մահացել․ նա մնացել է բետոնե պանելի տակ
11.10.2021 | 11:25
Երեկ՝ հոկտեմբերի 10-ին, ողբերգական դեպք է տեղի ունեցել Երևանում։ Ժամը 00։10-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Մալաթիա-Սեբաստիա վարչական շրջանի թաղամասերից մեկում, բետոնե պանելի տակ երեխայի դի կա։
Ինչպես Factor.am-ի հետ զրույցում հայտնեց ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը, երեխայի գտնվելու վայրն անհայտ էր դեռ ժամը 17:00-ից.
«Երեկ ժամը 23:00-ին տղայի հայրը հաղորդում է տվել, որ որդին դուրս է եկել տնից և չի վերադարձել: Հոկտեմբերի 11-ին ժամը՝ 00:30-ի սահմաններում Իսակովի պողոտայի 52/5 հասցեի դիմաց գտնվող հողատարածքում բետոնե փլված քարի տակ հայտնաբերվել է տղայի դիակը, 2012թ ծնված»,- տեղեկացրեց Ջանոյանը։
Նշանակվել է Դատաբժշկական փորձաքննություն: Կատարվում է քննություն:
Լուսանկարը՝ ԱԻՆ-ի
