14.09.2026 | 21:13
Oգոստոսի կլիմայական պայմանները Հայաստանում
ՀանրաԴիտակ. 68 մլն դոլար երկրի մեքենաներին. սուղ բյուջեում կրկնապատկվում են մեքենաների և սարքավորումների գումարները. ՏԵՍԱՆՅՈՒԹ
Տնտեսություն
23.03.2018 | 18:02
Մինչ 29 տոկոսանոց աղքատություն ունեցող Հայաստանում կրճատվում են կրթության, առողջապահության ոլորտին հատկացվող գումարները, ահագնացող գնաճի պայմաններում չեն բարձրացվում թոշակներն ու նպաստները, քանի որ բյուջեն սուղ է, զուգահեռաբար նույն սուղ բյուջեում կրկապատկվում են մեքենաների, սարքավորումների ու դրանց սպասարկման գումարները:
Այսպես օրինակ՝ 2018 թվականի պետական բյուջեի մասին օրենքի 8-րդ հոդվածում նշվում է, որ մեքենաների և սարքավորումների ձեռքբերման, պահպանման և հիմնանորոգման համար հատկացվում է 32 մլրդ 672 մլն դրամ կամ 68 միլիոն դոլար։
Ըստ օրենքի մեջ առկա թերի պարզաբանումների, այս գումարը բաշխվում է հետևյալ կերպ․ տրանսպորտային սարքավորումների համար հատկացվում է շուրջ 53 մլն դրամ, վարչական սարքավորումներին՝ 695.598 մլն դրամ, և այս գումարի առյուծի բաժինը կազմող՝ 16,6 մլրդ դրամի դիմաց, գրված է՝ այլ մեքենաներ և սարքավորումներ:
Հատկանշական է, որ 2018 թվականին մեքենաների և սարքավորումների ձեռքբերման, պահպանման և հիմնանորոգման համար հատկացված գումարը գրեթե կրկնակի՝ 15 միլիարդ դրամով ավելացել է 2017 թվականին նույն նպատակով հատկացված գումարից: Յուրաքանչյուր գերատեսչության մի կլորիկ գումար է տրվում այս նպատակով, իսկ քաղաքացիների գրպանին ամենաթանկը արժենում են ոստիկանության և դատախազության ավտոմեքենաները։
Հետաքրքրաշարժ է նաև այն, թե որ ընկերությունների գրպաններն են լցվում այս գումարները, քանի որ, փաստորեն, կառավարությունն ունի իր մատակարար ֆավորիտները, որոնց վստահվում են ծառայողական մեքենաների ծախսերը։ Թե որոնք են այդ ընկերություններն ու թե որքան գումար է հատկացվել մեքենաներին, սարքավորումներին՝ մանրամասնել ենք տեսանյութում։
Գոհար Աբրահամյան
Գայանե Աբրահամյան
