22.04.2026 | 23:30
ՀՀ տարածքում ավտոճանապարհները հիմնականում անցանելի են
Ոչ ոք նման բան չի ասել․ Տերտերյանը՝ ՀՀ արտաքին սահմանները վարչատարածքային բաժանման մասին օրենքով որոշելու մասին. ՏԵՍԱՆՅՈՒԹ
Քաղաքականություն
05.10.2021 | 10:53
«Դուք երկար տարիներ եղել եք այն կառավարությունում, որը հեղինակել է «Վարչատարածքային բաժանման մասին» օրենքը՝ իր բոլոր փոփոխություններով, նաև եղել եք պատասխանատու դիրքում։ Լսել եք նաև մեղադրանքները, թե, իբր, այդ օրենքով նկարագրված են ՀՀ պետական սահմանները, այդ թվում՝ Ադրբեջանի հետ։ Դուք այս տեսակետին կո՞ղմ եք, թե՞ ինքներդ էլ համարում եք, որ այդ օրենքով չէր կարող ՀՀ պետական սահմանի հարց քննարկվել»,- ԱԺ-ում Տարածքային կառավարման եւ ենթակառուցվածքների նախարարի տեղակալ Վաչե Տերտերյանին այս հարցն ուղղեց ԱԺ «Հայաստան» խմբակցության պատգամավոր Արծվիկ Մինասյանը։
Տերտերյանը հիշեցրեց, որ ինքը ոլորտում ակտիվ աշխատում է 1996 թվականից․ եղել է բոլոր այն կառավարությունների ժամանակ, որոնք ոչ միայն վարչատարածքային փոփոխությունների մասին են խոսել, այլև ՏԻՄ-ն են հիմնադրել։
«Ես չեմ լսել որևէ հիմնավորում, երբ ասվել է, որ սահմանները որոշվում են «Վարչատարածքային բաժանման մասին» օրենքով։ Ոչ ոք այդպիսի բան չի ասել։ Համենայն դեպս, իմ հիշողության մեջ այդպիսի բան չկա»,- նշեց ՏԿԵ նախարարի տեղակալը։
Մանրամասները՝ տեսանյութում:
