05.08.2026 | 17:12
Ես կերազեմ, որ ինչ-որ մի օր իմ պարտքը լինի ոչ թե 32 մլն դրամ, այլ 32 մլրդ դոլար․ Սիսակ Գաբրիելյան․ ՏԵՍԱՆՅՈՒԹ
Շուտով մեր մայրաքաղաքները կկապակցվեն ուղիղ չվերթով․ Լիտվայի վարչապետ Ինգրիդա Շիմոնիտե. ՏԵՍԱՆՅՈՒԹ
Քաղաքականություն
04.10.2021 | 10:47
Հայաստանն ու Լիտվան բարեկամական հարաբերություններ ունեն և, կարծում եմ, ՀՀ վարչապետի հետ շատ բան կարող ենք անել, որպեսզի մեր հարաբերություններն ավելի սերտանան։ Այս մասին ասաց Լիտվայի վարչապետ Ինգրիդա Շիմոնիտեն՝ ամփոփելով Նիկոլ Փաշինյանի պաշտոնական այցը Լիտվա։ Նա հիշեցրեց, որ այս տարի տոնում են Հայաստան-Լիտվա դիվանագիտական հարաբերությունների հաստատման 30-ամյակը։ Շիմոնիտեն նշեց, որ շուտով երկու երկրների մայրաքաղաքները կկապակցվեն ուղիղ թռիչքով և դա երկրներին հնարավորություն կտա ավելի լավ ճանաչել միմյանց և խորացնել հարաբերությունները:
Լիտվայի վարչապետը շեշտեց, որ կորոնավրուսի դեմ պայքարում Լիտվան բուժաջակցություն է ցույց տալիս Հայաստանին՝ նվիրաբերելով պատվաստանյութ։
Հայաստանն էլ ապօրինի միգրացիայի դեմ պայքարում Լիտվային քուրմանջի լեզվի թարգմանիչների է տրամադրել, ինչն իրենք բարձր են գնահատում։
Խոսելով տարածաշրջանային խաղաղության հաստատման մասին՝ Շիմոնիտեն նշեց, որ բարձր է դասում ԵՄ երկրների դերը։ «Մենք պատրաստ ենք Հայաստանի բարեկամը լինել նաև ապագայում»,- ընդգծեց Շիմոնիտեն։
Մանրամասները՝ տեսանյութում:
