Հասարակություն
02.10.2021 | 20:40
Գյումրու ավագանու 2021թ. հոկտեմբերի 17-ի ՏԻՄ ընտրություններին մասնակցող «Հայրաքաղաք» դաշինքը ներկայացրել է նախընտրական ծրագիրը։
««Հայրաքաղաք» դաշինքը, նկատի ունենալով Գյումրի քաղաքի բարդ խնդիրների հաղթահարման, քաղաքի զարգացման, արդյունավետ և արդար կառավարման մարտահրավերները, մասնակցում է Գյումրու ավագանու 2021թ. հոկտեմբերի 17-ի ընտրություններին՝ հավակնելով ծանրակշիռ ներկայություն ունենալու Գյումրու ավագանու կազմում և ստանձնելու քաղաքի կառավարման կարեւոր ու պարտավորեցնող գործը:
«Հայրաքաղաք» դաշինքը ընտրապայքարը մղելու է Գյումրու զարգացման լավագույն ուղիների որոնման համար՝ ակնկալելով բոլոր քաղաքական ուժերից բացառիկ հարգանք քաղաքի, քաղաքացիների և մրցակից ուժերի նկատմամբ` ինչպես նախընտրական
շրջանում, այնպես էլ հետագայում:
Քաղաքի կարճաժամկետ եւ երկարաժամկետ զարգացման այս ծրագիրը մշակելիս
«Հայրաքաղաք» դաշինքն ուսումնասիրել և հաշվի է առել Ալեքսանդրապոլ-ԼենինականԿումայրի-Գյումրի քաղաքի պատմությունը, վերելքներն ու անկումները, համայնքային մասնագիտական, ենթակառուցվածքային, աշխարհագրական, ընկերվարական կարողությունները եւ առանձնահատկությունները, կարիքները եւ համայնքային տնտեսության կառավարման վիճակը, նախընթաց ընտրություններում մասնակցած
քաղաքական ուժերի նախընտրական ծրագրերը, ավագանու հաստատած՝ քաղաքի զարգացման նախորդ ծրագրերը, ինչպես նաեւ՝ հանրային տարբեր շահագրգիռ խմբերի եւ քաղաքացիների առաջարկությունները, ապա համադրել է դրանք, դասակարգել, սահմանել առաջնահերթությունները եւ ձեւակերպել է հայեցումներն ու ծրագրային դրույթները:
«Հայրաքաղաք» դաշինքը բարձր է գնահատում նախկինում Գյումրու քաղաքային տնտեսությունում եւ կառավարման համակարգում քաղաքային իշխանությունների իրականացրած զարգացման ծրագրերը եւ աշխատանքները, սակայն արձանագրում է, որ մի շարք ոլորտներում այդ աշխատանքները կարող էին ավելի արդյունավետ լինել, եթե լիներ ավելի բարձր մակարդակի մասնագիտական մոտեցում, առաջնահերթությունների ավելի որակյալ սահմանում, բարեվարքության բարձր պատրաստակամություն, ավելի արդար և չարաշահումներից զերծ կառավարում»:
Քաղաքային իշխանություն ստանձնելու դեպքում դաշինքը նախատեսում է իրականացնել հետևյալ ծրագրային պարտավորությունները․
1. Քաղաքի համաչափ զարգացումը սահմանել որպես գերակա սկզբունք բոլոր հնարավոր դեպքերում:
2. Հետևողականորեն արդիականացնել, բարեկարգել և նորոգել համայնքային ոչ առևտրային կազմակերպությունները՝ ՀՈԱԿ-ները , կատարելագործել սպասարկման որակը, հնարավոր դեպքերում ներդնել էլեկտրոնային գրանցումների և կառավարման համակարգեր:
3. Համայնքային ծառայությունների կատարելագործում,
4. Քաղաքաշինություն,
5. Զբոսաշրջության խթանում,
6. Ներդրումների խթանում,
7. Սոցիալական օժանդակություն,
8. Արտաքին կապերի զարգացում,
9. Ոչ պետական և շահույթ չհետապնդող կազմակերպությունների հետ համագործակցություն համայնքային խնդիրների կարգավորման համար,
10. Անվտանգային խնդիրների կարգավորումներ,
11. Արդյունավետ կառավարում։
«Հայրաքաղաք»-ի լուծումների տեսլականը՝ կից հղումով։
Դաշինքի նախընտրական հիմնադրամի հաշվեհամարն է 163 128 063 910:
Հիմնադրամին նվիրատվություններ կարող են կատարել միայն ՀՀ քաղաքացիները, միայն ՀՀ դրամով եւ մինչև 100.000 դրամի չափով:
Հիշեցնենք, որ «Հայրաքաղաք» դաշինքի թեկնածուական ցուցակը բաղկացած է 28 հոգուց, առաջին եռյակը զբաղեցնում են Լևոն Բարսեղյանը (անկուսակցական, Գյումրու ավագանու անդամ, Ժուռնալիստների «Ասպարեզ» ակումբի հիմնադիր), Հովիկ Կարապետյանը (Ռամկավար Ազատական կուսակցություն, ՌԱԿ ատենադպիր, «Դպիր» հրատարակչության հիմնադիր) և Հասմիկ Պետրոսյանը («Ժառանգություն» կուսակցություն, բժշկուհի):
