14.01.2026 | 14:47
Տեր Ասողիկ աբեղա Կարապետյանը ՔԿ է հրավիրվել. հարցաքննությունն առնչվում է Սուրբ Գեղարդին
Ի՞նչ կա կրծքիդ տակ․ պայքար կրծքագեղձի քաղցկեղի դեմ՝ տարին ընդամենը 10 րոպե հետազոտմանը տրամադրելով․ ՏԵՍԱՆՅՈՒԹ
02.10.2021 | 19:00
Առաջիկա հոկտեմբերը Հայաստանում ու ողջ աշխարհում նշվում է որպես կրծքագեղձի քաղցկեղի դեմ պայքարի ամիս։ Չնայած դրան, բժիշկները տարին 12 ամիս են հետազոտման, ինքնազննման կոչ անում՝ խուսափելու համար կրծքագեղձի քաղցկեղից։
Առողջապահության նախարարությունից հայտնում են, որ 2020-ին կանանց շրջանում կրծքի չարորակ նորագոյացություններից մահացել է 437 կին։ 25-29 տարիքային խմբում մահվան 1 դեպք է գրանցվել, 30-34 տարեկանների խմբում՝ 5 դեպք, 35-39 տարիքային խմբում՝ 5 դեպք, 40-44 տարեկանների շրջանում կրծքագեղձի քաղցկեղից մահացել է 13 կին։
Կրծքագեղձի քաղցկեղից մահացության պատկերն այլ է միջին ու միջինից բարձր տարիքային խմբում․ 45-49 տարեկան 18 պացիենտ է մահացել, 50-54 տարեկանների շրջանում մահվան 24 դեպք է արձանագրվել, 55-59 տարեկանների շրջանում՝ 63 դեպք, 60-64 տարեկանների շրջանում՝ 69 դեպք։
65-69 տարիքային խմբում 64 կին է մահացել կրծքագեղձի քաղցկեղից, 70-74 տարեկանների խմբում՝ 44-ը, 75-79 տարեկանների խմբում 43 դեպք է գրանցվել, մահվան 88 դեպք էլ գրանցվել է 80-ից բարձր տարիքային խմբում։
Կրծքագեղձի քաղցկեղը վաղ փուլում հայտնաբերած ու բուժվածների մասին տվյալներ, սակայն, գերատեսչությունը չի հավաքում։ Փոխարենը, 1997-ից սկսած՝ նման վիճակագրություն ունի «Հայ-ամերիկյան առողջության կենտրոնը»․ կրծքագեղձի հետազոտության արդյունքում 13,327 կին, ինչպես իրենք են ասում, փրկվել է։
Մանրամասները՝ տեսանյութում։
Անահիտ Հակոբյան
