05.08.2026 | 18:10
Վահագն Ալեքսանյանը՝ ԱԺ նախագահի տեղակալ
Հայաստանը շատ կարևոր երկիր է Չեխիայի համար․ Չեխիայի ԱԳ նախարար. ՏԵՍԱՆՅՈՒԹ
Քաղաքականություն
01.10.2021 | 12:50
Հայաստանը շատ կարևոր գործընկեր է Չեխիայի Հանրապետության համար, երկու երկրների հարաբերությունները սերտ ու բարեկամական են: Այս մասին ասել է Չեխիայի արտաքին գործերի նախարար Յակուբ Կուլհանեկը՝ Երևանում ՀՀ ԱԳ նախարար Արարատ Միրզոյանի հետ համատեղ հայտարարությանը:
«Ես շատ ուրախ եմ՝ հնարավորություն ունենալու համար վերսկսելու բարձր մակարդակի երկխոսությունները երկու երկրի միջև: Հուսամ, որ մեր հարաբերությունների մեջ կորոնավիրուսի համավարակի պատճառով մեծ դադարն ավարտված է: Հայաստանը շատ կարևոր գործընկեր է Չեխիայի Հանրապետության համար: Երկկողմ հարաբերությունները սերտ ու բարեկամական են: Չեխիան գնահատում է այն առաջընթացը, որն իրականացվել է ՀՀ-ում 2018-ից ի վեր՝ կապված ժողովրդավարության և հակակոռուպցիոն ջանքերի հետ»,-ասել է Չեխիայի ԱԳ նախարար Յակուբ Կուլհանեկը:
«Մեր հանդիպման ընթացքում տեսակետներ փոխանակեցինք տարածաշրջանային զարգացումների վերաբերյալ»,- տեղեկացրել է Չեխիայի արտաքին գործերի նախարարը և հայտնեց, որ իր հայ գործընկերոջ հետ քննարկել են Արցախյան վերջին պատերազմը:
«Չեխիան սատարում է ԵԱՀԿ Մինսկի խմբի համանախագահների աշխատանքներին: Ողջունում ենք Հայաստանի և Ադրբեջանի արտաքին գործերի նախարարների հանդիպումը՝ ԵԱՀԿ Մինսկի խմբի համանախագահների ներքո»,- ասել է Կուլհանեկը և հավելել է, որ Չեխիան աջակցում է խաղաղ բանակցությունների շարունակությանը:
Մանրամասները՝ տեսանյութում:
