Ես համոզված եմ, որ Դավիթ Տոնոյանն անմեղ է. Վիլեն Գաբրիելյան. ՏԵՍԱՆՅՈՒԹ

«Գոյություն ունի անմեղության կանխավարկած: Քննչական գործընթաց է ընթանում, պետք է պարզվի՝ մեղադրանքն իրականությանը համապատասխանում է, թե ոչ»,- այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Վիլեն Գաբրիելյանը՝ անդրադառնալով դիտարկմանը, որ Դավիթ Տոնոյանը և Դավիթ Գալստյանը կալանավորվել են:

«Ես պարոն Տոնոյանի նկատմամբ ունեմ իմ անձնական կարծիքը, որը դրական է: Ես համոզված եմ, որ Տոնոյանն անմեղ է: Քննչական պորցեսը կավարտվի, կտեսնենք՝ ես իմ համոզմունքի մեջ սխալվել եմ, թե ոչ»,- ընդգծեց Գաբրիելյանը:

Նշենք, որ ԱԱԾ-ն հաղորդագրություն է տարածել, որի համաձայն՝ ՀՀ ազգային անվտանգության ծառայության քննչական դեպարտամենտում շարունակվում է ՀՀ զինված ուժերի կարիքների համար ռազմամթերքի մատակարարման գործընթացում ՀՀ ՊՆ և զինված ուժերի բարձրաստիճան պաշտոնատար անձանց կողմից պաշտոնեական լիազորությունները չարաշահելու և պաշտոնեական կեղծիքներ կատարելու դեպքի առթիվ հարուցված քրեական գործի նախաքննությունը, որի շրջանակներում առանձնապես խոշոր չափերի հափշտակություն կատարելու կասկածանքով ձերբակալվել են 2018-2020 թվականներին ՀՀ պաշտպանության նախարարի պաշտոնը զբաղեցրած Դավիթ Տոնոյանը, ինչպես նաև մատակարար կազմակերպության տնօրեն Դավիթ Գալստյանը:

ԱԱԾ հաղորդագրության համաձայն՝ վերջիններս առանձնապես խոշոր չափերով՝ 2,277,323,840 ՀՀ դրամ գումար հափշտակելու և կեղծիքներ, հանրորեն վտանգավոր արարքներ կատարելու համար ներգրավվել են որպես մեղադրյալ, և միջնորդություններ են ներկայացվել դատարան՝ կալանավորումը որպես խափանման միջոց ընտրելու համար:

Մանրամասները՝ տեսանյութում: