Տնտեսություն
30.09.2021 | 11:322022 թ. պետական բյուջեն եկամուտների գծով կկազմի 1 տրլն 946 մլրդ 236 մլն 135.6 հազար դրամ, ծախսերի գծով՝ 2 տրլն 188 մլրդ 428 մլն 509.7 հազար դրամ, իսկ պակասուրդը կկազմի 242 մլրդ 192 մլն 374.1 հազար դրամ. Կառավարությունն այսօրվա նիստում հաստատեց երկրի գլխավոր ֆինանսական փաստաթղթի նախագիծը:
ՀՀ ֆինանսների նախարար Տիգրան Խաչատրյանի խոսքով՝ բյուջեն ձևավորվել է ՀՀ կառավարության 2021-2026 թթ. ծրագրի առաջնահերթությունների շուրջ և ներկայացնում է հիմնական ֆինանսական պլանը, որ պետք է երաշխավորի Կառավարության ծրագրի իրագործման ուղղությամբ 2022 թ. նախատեսված ծրագրերի և միջոցառումների իրականացումը:
«Կառավարության գործունեության ծրագիրը թիրախավորել է երկարատև բարձր տնտեսական աճի ապահովումը՝ տարեկան առնվազն 7%, հետևաբար բյուջեի նախագծով նախատեսվող տնտեսական, ենթակառուցվածքային, կրթական և սոցիալական նշանակության միջոցառումները տրվել են այնպես, որ հանրային ֆինանսական ռեսուրսների մասով առկա սահմանափակումների պայմաններում լավագույն միջավայր ստեղծեն 2022 թ. և հետագա տարիներին՝ վերը նշված տնտեսական թիրախին հասնելու համար»,- նշեց Խաչատրյանը:
Նախարարը՝ հավելեց, որ կառավարության ծրագիրը կարևորել է պետության ֆինանսական կարողությունների ավելացումը և դրա հետ կապված՝ հարկային եկամուտների ավելացման քաղաքականությունը: «Նախատեսվում է տարվա ընթացքում հարկեր-ՀՆԱ ցուցանիշը բարելավել շուրջ 0.9 տոկոսային կետով, և 2022 թ. ավարտին հասնի ՀՆԱ 23.4 տոկոսին»,- նշեց Խաչատրյանը:
Մանրամասները՝ տեսանյութում:
