18.03.2026 | 19:22
Իրանը սպառնում է Կատարի, Սաուդյան Արաբիայի և ԱՄԷ-ի էներգետիկ ակտիվներին՝ իր գազի հանքավայրի վրա հարձակումից հետո
Այս տարի «Արտավազդ» մրցանակաբաշխությունը նվիրվում է ՀՀ ժողովրդական արտիստ Ալեքսանդր Գրիգորյանի հիշատակին
Մշակույթ
22.03.2018 | 17:30
ՀՀ մշակույթի նախարարության աջակցությամբ, Հայաստանի թատերական գործիչների միության նախաձեռնությամբ` ս. թ. մարտի 27-ին, ժամը 19:00-ին, Գ. Սունդուկյանի անվան ազգային ակադեմիական թատրոնում կանցկացվի «Արտավազդ» ամենամյա մրցանակաբաշխությունը` նվիրված ՀՀ ժողովրդական արտիստ Ալեքսանդր Գրիգորյանի հիշատակին:
«Արտավազդ» թատերական մրցանակաբաշխություն-փառատոնն այս տարի կանցկացվի նաև Գորիսում՝ ս. թ. մարտի 29-ին, ժամը 18:00-ին:
«Արտավազդ» մրցանակը կտրվի հետևյալ անվանակարգերում.
◆ «Լավագույն երիտասարդ դերասանուհի» (մինչև 30 տարեկան),
◆ «Լավագույն երիտասարդ դերասան» (մինչև 30 տարեկան),
◆ «Լավագույն երիտասարդ բեմադրիչ» (մինչև 35 տարեկան),
◆ «Լավագույն մանկական ներկայացում»
◆ «Լավագույն սցենոգրաֆիա»
◆ «Լավագույն պիես»
◆ «Լավագույն երաժշտության հեղինակ»
◆ «Լավագույն դերասանուհի»
◆ «Լավագույն դերասան»
◆ «Լավագույն ներկայացում»
Թատերարվեստին արժանապատիվ ծառայության համար անվանակարգում առաջարկությունն արվում է ՀԹԳՄ նախագահության կողմից:
Կհանձնվի նաև ՀՀ ժողովրդական արտիստ Ալեքսանդր Գրիգորյանի անվան հատուկ «Արտավազդ» մրցանակ:
