04.05.2024 | 22:05
Պատգամավորները Վաշինգտոնում հանդիպել են ԱՄՆ ՄԶԳ կառավարչի փոխտեղակալ Ալեքսանդր Սոկոլովսկու հետ
Հայաստանի և Ադրբեջանի արտգործնախարարների միջև խոսակցությունները կառուցողական էին․ Լին Թրեյսի
Քաղաքականություն
29.09.2021 | 18:34
Օրերս ՄԱԿ-ի գլխավոր ասամբլեայի շրջանակում տեղի ունեցած հանդիպումները կառուցողական էին․ այսօր լրագրողների հետ զրույցում այս մասին հայտարարել է ՀՀ-ում ԱՄՆ արտակարգ և լիազոր դեսպան Լին Թրեյսին՝ անդրադառնալով Նյու Յորքում Մինսկի խմբի համանախագահների մասնակցությամբ քննարկումներին։
Հիշեցնենք, ՀՀ արտգործնախարար Արարատ Միրզոյանը և Ադրբեջանի արտգործնախարար Ջեյհուն Բայրամովը հանդիպել էին, տեղի էին ունեցել նաև առանձին քննարկումներ համանախագահների մասնակցությամբ։
«Մենք կտեսնենք, թե ինչպես կարող ենք աջակցել և ապահովել շարունակականությունը Նյու Յորքում սկիզբ առած խոսակցությունների։ ԵԱՀԿ Մինսկի խմբի համար սա տևական լուծում է, որը պիտի լինի համապարփակ և տարածաշրջանի համար խաղաղություն ապահովող»,- նշեց դեսպանը։
Անդրադառնալով հայ-թուրքական հարաբերությունների կարգավորմանը՝ դեսպանն ընդգծեց, որ կողմերը պետք է պատրաստակամ լինեն հաշտեցման․
«Միացյալ նահանգները պատրաստ է աջակցել, նպաստել հաշտեցման և երկխոսության ջանքերին։ Այժմ իրավիճակն այդ մասով դեռևս հստակ չէ։ Մարդիկ ևս պետք է վստահություն զգան հաշտեցման ջանքների ուղղությամբ, իսկ մենք մեր դիվանագիտական ջանքները պատրաստ ենք նպատակաուղղել դրան»,- եզրափակեց Թրեյսին։
