16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Եթե 200.000 դոլարանոց մեքենայով գործի եկողը 300.000 դրամ է տվել հիմնադրամի, մեծ հերոսություն չի արել. Գևորգ Պապոյան. ՏԵՍԱՆՅՈՒԹ
Քաղաքականություն
29.09.2021 | 17:31
Հայտնի է, որ մեր երկրի արտաքին պարտքը աճել է, և այս առնչությամբ հնչում են որոշակի մտահոգություններ: Factor.am-ի հետ զրույցում անդրադառնալով այս դիտարկմանը՝ ԱԺ Ֆինանսավարկային հարցերի մշտական հանձնաժողովի ղեկավար «Քաղաքացիական պայմանագիր» խմբակցության պատգամավոր Գևորգ Պապոյանը նշեց, որ արտաքին պարտքի շեմը հասել է 63 տոկոսի. «Ունենք կանոն, ըստ որի՝ պետք է պարտքի շեմը նվազեցնել՝ հասցնել 60 տոկոսի: Եվ ունենք կանոններ, թե ինչ պետք է անենք 50-60 տոկոսի դեպքում: Այս պարտքը կուտակվել է նախորդ 30 տարիների ընթացքում: Որոշ չափով էլ կուտակվել է 2020-ին՝ կորոնավիրուսի և պատերազմի հետևանքով, երևի թե դա ամենաարդարացված պարտքերից է»:
Անդրադառնալով հարցին, թե նախկին իշխանության ներկայացուցիչներից եղա՞ն մարդիկ, ովքեր պատերազմի ժամանակ իրենց կուտակած գումարներից ներդրեցին ի շահ երկրի, Գևորգ Պապոյանը պատասխանեց. «Որքան գիտեմ, Ռ. Քոչարյանի կինը 2 մլն դրամ է փոխանցել հիմնադրամին: Այլ դեպքեր չգիտեմ: Կարող ենք ենթադրել, որ չեն ներդրել ո՛չ երկրի զարգացման, ո՛չ էլ պաշտպանության ամրապնդման համար, ըստ էության՝ ներդրումներ կա՛մ չեն եղել, կա՛մ եղել են չնչին, մեծ նվիրատվություններ չեն եղել:
Մանրամասները՝ տեսանյութում:
