23.04.2024 | 15:44
Ոսկեպարի եկեղեցու դիմացի դիրքի հետքաշում է տեղի ունեցել․ Գեղամ Մանուկյան․ ՏԵՍԱՆՅՈՒԹ
ԱՄՆ-ն հանձնառու է օգնել ԼՂ հակամարտությանը վերաբերող չլուծված խնդիրների լուծմանը․ Պետքարտուղարի տեղակալը հանդիպել է ԵԱՀԿ ՄԽ համանախագահներին
Քաղաքականություն
27.09.2021 | 23:02
ԱՄՆ պետքարտուղարի՝ Եվրոպայի և Եվրասիայի հարցերով գլխավոր տեղակալ Դերեկ Հոգանը և Ազգային անվտանգության խորհրդի Եվրոպայի գլխավոր տնօրեն Ամանդա Սլոաթը սեպտեմբերի 27-ին հանդիպել են ԵԱՀԿ Մինսկի խմբի համանախագահների՝ Ֆրանսիայից Ստեֆան Վիսկոնտիի, ԱՄՆ-ից Էնդրյու Շոֆերի և Ռուսաստանից Իգոր Խովաևի, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրշիկի հետ: Այս մասին տեղեկանում ենք ԱՄՆ Պետքարտուղարության կայքում հրապարակված հաղորդագրությունից։
Հանդիպման ընթացքում քննարկվել է անցյալ շաբաթ ՄԱԿ-ի Գլխավոր վեհաժողովի շրջանակում Հայաստանի և Ադրբեջանի ԱԳ նախարարների համատեղ հանդիպման ընթացքը։ Համանախագահները նաև նշել են, որ սեպտեմբերի 27-ը Լեռնային Ղարաբաղի պատերազմի մեկնարկի տարելիցն է և ցավակցություն են հայտնել երկու կողմերի մարդկային կորուստների համար:
Հոգանը և Սլոաթը ողջունել են համանախագահների ջանքերն ու Հայաստանի և Ադրբեջանի վճռականությունը՝ անմիջական երկխոսության միջոցով խաղաղության գործընթացում կրկին ներգրավվելու՝ ուղղված տարածաշրջանում անվտանգությանը, կայունությանը և բարգավաճմանը: Նրանք փոխանցել են Միացյալ Նահանգների հանձնառությունը՝ շարունակելու աշխատել համանախագահ երկրների հետ՝ օգնելու Հայաստանին և Ադրբեջանին լուծել Լեռնային Ղարաբաղի հակամարտությանը վերաբերող կամ դրանից բխող բոլոր չլուծված խնդիրները, այդ թվում՝ գերիների, անհետ կորածների և մարդասիրական ականազերծման աշխատանքների մասով:
