Քաղաքականություն
27.09.2021 | 13:55Պետք է գնալ խաղաղության ամրապնդման ճանապարհով։ Այս մասին լրագրողների հետ զրույցում ասաց ԵԿՄ նախագահ Սասուն Միքայելյանը։
«Պարզ է, մենք այսօր հզոր չենք թե՛ բանակով, թե՛ ներքին կայունությամբ, թե՛ տնտեսությամբ, դա քաղաքական խնդիր է, որ լուծում է վարչապետը, բայց ես, որպես ԵԿՄ ղեկավար, պետք է պատրաստ լինեմ պատերազմի»,- ասաց Միքայելյանը։
Նա նշեց, որ միշտ էլ պատերազմի վտանգ կա. «Ամեն օր կարող է պատերազմ լինել»:
ԵԿՄ նախագահը վստահեցրեց, որ ոչ մի խնդիր չունի քաղաքական ղեկավարության հետ, սակայն ընդգծեց. «Մենք պետք է թույլ չտանք, որ մեր ներկայիս ղեկավարները ինչ-որ ուրիշ քայլեր անեն, այսինքն՝ չիմանան էլի՝ ամեն ինչ իրանց տրված է ու դրանով առաջ շարժվեն»:
«Մենք պիտի հզորանանք ու առաջ շարժվենք… Միշտ ասել եմ ու ասում եմ` ես Շուշի կմտնեմ։ Շուշիի թունելն էլ մեզ համար են կառուցում, ոչինչ, կվերցնենք»,- հույս հայտնեց ԵԿՄ ղեկավարը:
Մանրամասները՝ տեսանյութում:
