12.02.2026 | 23:18
Առաջարկվում է նախակրթարանի տարիքային շեմը նվազեցնել մինչև 4 տարեկան
Արարատ Միրզոյանը ՄԱԿ-ի Քաղաքակրթությունների դաշինքի բարձր ներկայացուցչին է ներկայացրել Ադրբեջանի սանձազերծած պատերազմի մարտահրավերները
Քաղաքականություն
26.09.2021 | 18:58
ՄԱԿ Գլխավոր ասամբլեայի 76–րդ նստաշրջանի շրջանակներում ՀՀ ԱԳ նախարար Արարատ Միրզոյանը սեպտեմբերի 25-ին հանդիպել է Միավորված ազգերի կազմակերպության Քաղաքակրթությունների դաշինքի բարձր ներկայացուցիչ Միգել Անխել Մորատինոսին: Այս մասին տեղեկանում ենք ՀՀ ԱԳՆ մամուլի ծառայությունից։
Նախարար Միրզոյանը ընդգծել է, որ Հայաստանը, որպես ՄԱԿ-ի Քաղաքակրթությունների դաշինքի բարեկամների խմբի անդամ, կարևորում է դաշինքի նպատակները, որոնք ուղղված են ներառական հասարակությունների կառուցմանը, ժողովուրդների միջև հարգանքի և հանդուրժողականության ամրապնդմանը։
Արարատ Միրզոյանը հանգամանալից ներկայացրել է Լեռնային Ղարաբաղի ժողովրդի դեմ Ադրբեջանի սանձազերծած պատերազմի հետևանքով ստեղծված մարտահրավերները։ Այս համատեքստում զրուցակիցները կարևորել են հակամարտության գոտում մշակութային ու կրոնական ժառանգության պահպանման և այդ նպատակով միջազգային հանրության ներգրավման անհրաժեշտությունը։
