26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Թալիբները մահապատժի են ենթարկել 4 մարդու, որոնք մեղադրվում են մարդկանց առևանգելու մեջ․ ԶԼՄ
25.09.2021 | 17:32
Աֆղանստանում իշխանությունը զավթած «Թալիբան» արմատական շարժման գրոհայինները մահապատժի են ենթարկել Հերատ հյուսիսարեւմտյան նահանգի չորս բնակիչների, որոնք մեղադրվում էին մարդկանց առևանգելու մեջ: ՏԱՍՍ-ի փոխանցմամբ՝ այս մասին հայտնել է տեղական aamaj News գործակալությունը։
Տարածված կադրերում երևում է, թե ինչպես են չորս տղամարդկանց հրապարակային կախաղան բարձրացնում։ Արմատականների ներկայացուցիչներն առայժմ չեն մեկնաբանում տեղի ունեցածը, թեև ավելի վաղ շարժման հիմնադիրներից Մուլլա Նուրուդդին Տուրաբին Associated Press գործակալությանը տված հարցազրույցում հայտարարել էր, որ «Թալիբանը» մտադիր է վերսկսել հրապարակային մահապատիժները։
1996-2001 թվականներին, երբ թալիբներն իշխանության գլուխ էին Աֆղանստանում, երկրում լայնորեն տարածված էին հրապարակային պատիժները, ինչպիսիք են քարկոծումը, ձեռքերի և ոտքերի կտրումը, ինչպես նաև կախաղանի միջոցով մահապատիժը: Այս կամ այն տեսակի պատժի մասին որոշումները կայացվում էին արմատականների կողմից ստեղծված հատուկ տրիբունալների կողմից, որոնք կազմված էին շարիաթի երեք դատավորներից։
Արմատականներին իշխանությունից հեռացնելուց հետո Աֆղանստանում հասարակական պատիժները չեղյալ են հայտարարվել։ Մինչդեռ Աֆղանստանի Իսլամական Հանրապետության քրեական օրենսգրքում ներառվել է մահապատիժը (գնդակահարության կամ կախաղանի միջոցով), որը գլխավորապես կիրառվել է ծանր սպանությունների, բռնաբարությունների և ահաբեկչական գործունեության մեջ մեղադրվող հանցագործների նկատմամբ:
