20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Ալիևը Հայաստանին առաջարկում է խաղաղության բանակցություններ դելիմիտացիայի ու տարածքային ամբողջականության ճանաչման հիմքով
Քաղաքականություն
24.09.2021 | 12:02
Ադրբեջանի նախագահ Իլհամ Ալիևը ՄԱԿ-ի Գլխավոր Վեհաժողովի 76-րդ նստաշրջանի իր ելույթում կոչ է արել միջազգային հանրությանը՝ «վերջ դնելու Հայաստանի Լեռնային Ղարաբաղի մասով ռևանշին», գրում են ադրբեջանական լրատվամիջոցները։
«Ադրբեջանը 2020 թ-ի պատերազմից հետո նոր իրականություն է ստեղծել Հարավային Կովկասում, և դա պետք է ամեն մեկը հաշվի առնի։ Հայաստանը պետք է ընտրություն կատարի տարածաշրջանային համագործակցութան ու հարևանների նկատմամբ անհիմն տարածքային պահանջների միջև։ Միջազգային հանրությունը պետք է դրանում դրական դերակատարում ունենա ու կոչ անի Հայաստանին, որ խաղաղությանը այլընտրանք չկա։ Պետք է վերջ դնել ուղիղ կամ անուղղակի աջակցությանը Հայաստանում ռևանշին ու նրա զինմանը»,- ասել է Ալիևը։
Նա նաև հույս է հայտնել, որ Հարավային Կովլասում վերջապես կհաստատվի երկար սպասված խաղաղությունը, անվտանգությունն ու կայունությունը։ Նա նաև նշել, որ Ադրբեջանը դրանում իր դերակատարումը, իբր, ունենալու է։
Բացի այդ, Ալիևը կրկին սպառնացել է Հայաստանին ու հայտարարել, որ եթե Ադրբեջանը «կրկին ինքնիշխանության որևէ վտանգի բախվի, ապա կօգտվեն իրենց ինքնապաշտպանության օրինական իրավունքից»։
Նա դարձյալ ադրբեջանական թեզն է հնչեցրել, որ Լեռնային Ղարաբաղի հակամարտությունը լուծված է ու Ադրբեջանը պատրաստ է Հայաստանի հետ խաղաղության պայմանագրի բանակցություններ սկսել սահմանների դելիմիտացիայի ու դեմարկացիայի, միմյանց տարածքային ամբողջականության ու ինքնիշխանության փոխադարձ ճանաչման հիման վրա։
«Այդպիսի համաձայնագիրը կարող է մեր տարածաշրջանը վերածել խաղաղության ու համագործակցության տարածաշրջանի, սակայն, մեր առաջարկին Հայաստանից դեռ դրական արձագանք չենք ստացել»,- ասել է Ադրբեջանի նախագահը։
Էմմա Չոբանյան
