07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
COVID-ով 11 470 վարակվածներից ընդամենը 286-ն է պատվաստված․Անահիտ Ավանեսյան. ՏԵՍԱՆՅՈՒԹ
24.09.2021 | 11:24
Կառավարության նիստի մեկնարկին վարչապետ Նիկոլ Փաշինյանը առողջապահության նախարար Անահիտ Ավանեսյանին խնդրեց ներկայացնել կորոնավիրուսային իրավիճակը Հայաստանում:
Ավանեսյանի խոսքով՝ երեկ իրականացվել է 6221 թեստավորում, հաստատվել է կորոնավիրուսի 906 դեպք, արձանագրվել է 16 մահ:
«Այս պահին քովիդով պացիենտների բուժման համար ծավալված է 2156 մահճակալ՝ 18 ԲԿ-ում, որից զբաղված է 2006-ը»,- նշեց նախարարը՝ հավելելով, որ առողջապահական համակարգի վրա լարվածությոնը բավական մեծ է:
«Վերջին երկու օրերին օրական պատվաստումների շեշտակի աճ ունենք, երեկ իրականացվել է 8440 պատվաստում, սա խոսում է այն մասին, որ մեր քաղաքացիների մոտ բավական մեծ փոփոխություն կա պատվաստումների նկատմամբ վստահության մեծացման, ու սա բնական է, որովհտեև արդեն իսկ իրականացված 385 հազար 503 պատվաստումների արդյունքում մարդիկ տեսնում են, որ որևէ խնդիր չունենք, պատվաստումներն անվտանգ են, արդյունավետ են և պաշտպանում են մեզ քովիդով պայմանավորված մահերից»,- նշեց Ավանեսյանը:
Նախարարի խոսքով՝ այս պահին 11 հազար 470 քաղաքացի ունեն դրական քովիդ թեստի պատասխան, ընդամենը 286-ն է, որ պատվաստված քաղաքացիներ են:
«Սա շատ բնական է, նորմալ է, այո, պատվաստումը 100 տոկոսվ չի բացառում վարակման ռիսկը, բայց ամենակարևոր նպատակը՝ այս քաղաքացիները հիվանդությունը տանում են թեթև ու լավ ելք ունենք», – ասաց նա՝ նշելով, որ հիվանդանոցներում գտնվող քաղաքացիներից 38-ն է, որ պատվաստված է ու հիվանդությունը տանում է շատ թեթև, նրանք հոսպիտալացված են, քանի որ ունեն քրոնիկ այլ խնդիրներ:
Մանրամասները՝ տեսանյութում:
