06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
«Չենք մասնակցում ապօրինություններին»․ «Հայաստան» և «Պատիվ ունեմ» դաշինքները լքեցին ԱԺ դահլիճը. ՏԵՍԱՆՅՈՒԹ
Քաղաքականություն
24.09.2021 | 11:22
Ազգային ժողովն այսօր՝ սեպտեմբերի 24-ին, արտահերթ նիստ է հրավիրել, որի օրակարգում է համայնքների խոշորացման վերաբերյալ հարցը:
«Հայաստանի իշխանություններն այդպես էլ չեն հասկանում առաջնահերթությունները»,- հայտարարեց «Հայաստան» խմբակցության քարտուղար Արծվիկ Մինասյանը:
«Արդեն 12-րդ օրն է, որ մենք պահանջել ենք ԱԱԾ տնօրենին, արտաքին գործերի և պաշտպանության նախարարների և այլ բարձրաստիճան պաշտոնատար անձանց ուղիղ մասնակցությամբ իրականացնել քննարկում։ Մինչդեռ այս օրերին տեսնում ենք, թե ինչ լարված իրավիճակ է առաջանում։ Ոչ միայն Էրդողանի հետ սիրախաղերը, այլ նաև Ալիևի վերջին հայտարարությունները հստակ մատնանշում են այն մասին, որ մենք գործ ունենք մեր պետության առաջնահերթությունը համարվող անվտանգության խնդիրների հետ։ Ելնելով այս ամենից՝ «Հայաստան» խմբակցությունը չի մասնակցում այս ապօրինություններին»,- նշեց Մինասյանը։
«Պատիվ ունեմ» խմբակցության քարտուղար Հայկ Մամիջանյանը միացավ Մինասյանի հայտարարությանը՝ հավելելով, որ օրակարգում համայնքների խոշորացման հարցն ընդգրկելով՝ իշխանությունները քաղաքական նպատակ են հետապնդում՝ փորձ է արվում հեռացնել անցանկալի ՏԻՄ ղեկավարներին:
«Հայաստան» և «Պատիվ ունեմ» դաշինքների անդամները լքեցին նիստերի դահլիճը՝ բոյկոտելով ԱԺ նիստը:
Մանրամասները՝ տեսանյութում:
