24.04.2024 | 19:43
Ժան-Լյուկ Մելանշոնն այցելել է Հայոց ցեղասպանության հուշահամալիր
Առողջապահության նախարարի հրամանը չկատարելու դեպքում գործատուն չի կարող ազատել աշխատակցին. Զոհրաբյան. ՏԵՍԱՆՅՈՒԹ
Հասարակություն
23.09.2021 | 13:24
Փաստաբանների և բժիշկների մասնակցությամբ ստեղծվել է «Ազատ կամք» նախաձեռնությունը, որը պնդում չի կատարում պատվաստվել կամ չպատվաստվել, այլ ընդգծում է, որ պատվաստվելը պետք է լինի յուրաքանչյուր մարդու գիտակցված որոշումը: Այս մասին լրագրողների հետ զրույցում նշեց «Զարթոնք» կուսակցության ներկայացուցիչ, փաստաբան Արա Զոհրաբյանը:
Զոհրաբյանի խոսքով՝ այսօր ԱԺ մարդու իրավունքների պաշտպանության և հանրային հարցերի մշտական հանձնաժողովում կազմակերպված քննարկման ժամանակ առողջապահության նախարարը շատ հարցեր անպատասխան թողեց:
«Արձանագրվեց, որ հանրության մոտ կա վստահության պակաս՝ կապված պատվաստանյութերի հետ, քանի որ աշխարհի տարբեր պետություններ չեն ընդունում մյուս երկրների պատվաստանյութերը: Սա նշանակում է, որ մենք պետք է զգուշանանք: Հարց է ծագում՝ արդյո՞ք մենք չենք հանդիսանում բիզնես շահերի օբյեկտ: Ըստ մասնագետների՝ եթե պատվաստումը պատշաճ կլինիկական փորձարկում չի անցել, ստացվում է, որ մենք փորձարկման օբյեկտ ենք: Իսկ Սահմանադրությունն արգելում է մարդու վրա բժշկական փորձեր կատարել առանց իր համաձայնության:
Մյուս խնդիրն այն է, որ պահանջ է դրվում ՊՇՌ թեստ հանձնել կամ պատվաստվել. երկուսն էլ բժշկական միջամտություն են, և երկուսց էլ քաղաքացին հրաժարվելու իրավունք ունի:
Բայց քաղաքացին, հրաժարվելով այդ պահանջները կատարելուց, հայտնվում է խնդրի առաջ՝ նրան կարող են թույլ չտալ ներկայանալ աշխատանքի: Խտրական մոտեցում է, քանի որ պատվաստված մարդը նույնպես կարող է վարակվել և վարակը փոխանցել»,- նշեց Զոհրաբյանը:
Փաստաբանը նաև ընդգծեց,որ գործատուն իրավասու չէ ազատել աշխատակցին, եթե նա հրաժարվի ՊՇՌ թեստ հանձնելուց և պատվաստումից:
«Աշխատանքային օրենսգրքի 108-րդ հոդվածի համաձայն՝ աշխատանքի չի թույլատրվում ներկայանալ ալկոհոլ, թմրանյութ օգտագործած անձանց, ինչպես նաև օրենքով նախատեսված այլ դեպքերում: Սակայն որևէ օրենքով նախատեսված չէ, որ եթե անձը չի կատարում առողջապահության նախարարի պահանջը, ապա նրան չպետք է թույլատրել աշխատանքի ներկայանալ: Չկա նման դեպք»,-նշեց փաստաբանը:
Մանրամասները՝ տեսանյութում:
