Հասարակություն
22.09.2021 | 13:40
Երգիչ, կոմպոզիտոր Հայկ Հակոբյանի վիճակը կայուն է: ԵՊԲՀ աշխատակազմի ղեկավար Շուշան Դանիելյանը Factor.am-ի հետ զրույցում ասաց, որ երգիչը «Հերացի» թիվ 1 համալսարանական հիվանդանոցի բժիշկների վերահսկողության ներքո է:
«Բժիշկները համապատասխան բուժօգնություն են տրամադրում, ամեն ինչ անում են, որ նրա վիճակը բարելավվի»,- ասաց խոսնակը:
Հիշեցնենք՝ Հայկ Հակոբյանը` լսարանին առավել հայտնի Հայկո անվամբ, երեկ` սեպտեմբերի 21-ին, ծանր վիճակում տեղափոխվել էր «Միքայելյան» հիվանդանոց (Միքայելյան վիրաբուժության ինստիտուտ): Նշենք, որ երգչին հիվանդանոց տեսակցության էր գնացել ԱԺ նախագահ Ալեն Սիմոնյանը։ Հայկոյի նախկին կինը` երգչուհի, դիզայներ Անահիտ Սիմոնյանը, ֆեյսբուքյան գրառմամբ հայտնել է, որ Հայկոն վարակված է կորոնավիրուսով, վիճակն էլ այս պահին կայուն է, նաև խնդրել իրենց որդուն նամակներ չգրել և հարցել չտալ Հայկոյի հիվանդության թեմայով, քանի որ երեխան տեղյակ չէ հոր հիվանդության մասին։
Արփի Հակոբյան
