Քաղաքականություն
21.03.2018 | 11:41Ընդդիմադիր «Ելք» խմբակցության պատգամավոր, «Քաղաքացիական պայմանագիր» կուսակցության անդամ Սասուն Միքայելյանը պնդում է՝ Նիկոլ Փաշինյանի ներկայացրած ճանապարհային քարտեզի շուրջ իրենց միջև որևէ միջադեպ չի եղել:
«Միջադեպ չի կարող լինել։ Կարող է տարաձայնություն լինի, որը հարթվում է: Մեր դաշինքի հզորությունը հենց դա է, որ քննարկումները նորմալ են դիտվում»,-ասաց նա:
Factor.am-ի հարցին՝ ինչպե՞ս կմեկնաբանի այն հանգամանքը, որ «Հանրապետություն» և «Լուսավոր Հայաստան» կուսակցությունները փողոցային պայքարում միայնակ են թողնում «Քաղաքացիական պայմանագրին», Միքայելյանը նկատեց. «Այստեղ միայնակ թողնելու բան չկա։ Ես էլ կարող է փողոցում ակտիվ չլինեմ իմ մասնակցությամբ՝ առողջական վիճակից ելնելով, բայց դա չի նշանակում միայնակ թողնել»։
Սասուն Միքայելյանը պնդեց՝ դաշինքի մաս կազմող կուսակցություններում կա կոնսեսնուս՝ թույլ չտալ Սերժ Սարգսյանին վարչապետ դառնալ:
Մանրամասները՝ տեսանյութում:
