23.04.2024 | 15:00
Տավուշում կոորդինատների ճշտման գործընթաց է սկսվել, Էրդողանը ՀՀ-Թուրքիա նոր ճանապարհային քարտեզի կոչ է անում․ ԼՈՒՐԵՐ
Ֆրանսիայի ԱԳ նախարարը շնորհավորել է Արարատ Միրզոյանին և հիշեցրել Ֆրանսիայի մոբիլիզացիան՝ ի նպաստ Հարավային Կովկասում իրավիճակի կայունացմանը
Քաղաքականություն
17.09.2021 | 16:54
Ֆրանսիայի ԱԳ նախարար Ժան Իվ լը Դրիանը շնորհավորել է իր հայ գործընկերոջը՝ Արարատ Միրզոյանին նշանակման կապակցությամբ և հիշեցրել Ֆրանսիայի մոբիլիզացիան՝ ի նպաստ Հարավային Կովկասում իրավիճակի կայունացմանը. տեղեկացնում են Ֆրանսիայում ՀՀ դեսպանությունից:
Նախարարն անդրադարձել է Հայաստանի և Ադրբեջանի միջև բովանդակային երկխոսության վերսկսման ուղղությամբ Մինսկի խմբի համանախագահների շարունակական ջանքերին: Նա ընդգծել է Նյու Յորքում ՄԱԿ-ի Գլխավոր ասամբլեայի 76-րդ նստաշրջանի շրջանակում այս ուղղությամբ փոխանակումների հնարավորության կարևորությունը:
Երկկողմ հարաբերությունների մասով Նախարարը հաստատել է Հայաստանի հետ տնտեսական համագործակցությունը ամրապնդելու Ֆրանսիայի պատրաստակամությունը: Նա ընդգծել է Ֆրանսիայի մոբիլիզացիան Covid-19 համավարակի դեմ պայքարում` Հայաստան պատվաստանյութի 200 000 դեղաչափ առաքմամբ, որից 50 000 դեղաչափն արդեն այս շաբաթ ժամանել է Հայաստան:
