25.04.2024 | 00:15
Ոստիկանությունը բերման է ենթարկում ԱԺԲ երթի մասնակիցներին. ՏԵՍԱՆՅՈՒԹ
«Խոսքը Էյվազլար հատվածի մասին է, որտեղ ադրբեջանական ուժերը գործողություններ են իրականացնում». Անդրանիկ Քոչարյան. ՏԵՍԱՆՅՈՒԹ
Քաղաքականություն
17.09.2021 | 12:09
«Դուք տիրապետո՞ւմ եք՝ սահմանի այդ հատվածը հիմա անվտանգային ինչպիսի կառուցվածք ունի, և թե՛ ադրբեջանական ստորաբաժանումները, թե՛ մեր սահմանապահ ստորաբաժանումները և ռուսական ստորաբաժանումները ինչ խնդիր են իրականացնում այդ սահմանի ճանապարհային այդ հատվածում։
Խոսքը Էյվազլար հատվածի մասին է, որտեղ ադրբեջանական ոստիկանական ուժերը գործողություններ են իրականացրել վերջին օրերի ընթացքում, և այդ գործողությունները չեն տեղավորվում սահմանային խնդիրների տրամաբանության շրջանակում։ Ոստիկանության ուժերը կանգնեցնում են պարսկական մեքենաներն ու գումար են վերցնում պարսկական բեռնատար մեքենաներից»,-խորհրդարանական ճեպազրույցների ժամանակ այս մասին նշեց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ հավելելով, որ գումար տալիս են միայն իրանական մեքենաների վարորդները:
«Պետք է հասկանալ՝ այդ գործողությունը ի՞նչ բնույթ ունի։ Հիմա դա մաքայի՞ն գործողություն է, թե՞ պարզապես ապօրինի գործողություն է, ոնց որ «ԳԱԻ»-ի աշխատողներինը։ Հիշո՞ւմ եք՝ մի պահ կար, երբ Օսեթիայում համատարած, ամեն մեկն իր տան դիմաց «բլոկ-պոստ» էր դրել՝ չլուծված խնդիրների շրջանակում և գումար էին գանձում», – նշեց Քոչարյանը։
Նա հայտարարեց, որ խնդիրն իրար մեջ պետք է պարզեն Իրանն ու Ադրբեջանը։
«Հիմա Իրանի և Ադրբեջանի միջև պետք է ճշտեն՝ այս գոծողությունները տեղավորվում են որպես մաքսակետի՞, թե՞ դրանք ապօրինի գործողություններ են։ Դրանք չեն վերաբերում Զանգեզուրից դեպի Հայաստանի տարածքներ տեղաշարժերին, ճիշտ հասկացեք։ Հիմա սահմանապահ զորքերի մեր տեղակայումը, ադրբեջանական ուժերի տեղակայումը և ռուս սահմանապահների տեղակայումն այդ հատվածում լուծվում է, որպեսզի անվտանգության հետ կապված խնդիրներ չառաջանան, չկրակենք իրար վրա, մինչև որ մտնենք այն փուլ, որտեղ պետք է ճշտվեն սահմանային դեմակրացիայի և դելիմիտացիայի հետ առնչվող խնդիրները»,- ասաց Քոչարյանը։
Մանրամասները՝ տեսանյութում:
