04.06.2026 | 17:37
Ում օգտին կքվեարկեն ՀՀ քաղաքացիները, եթե ընտրությունները լինեն վաղը․ ArmES նոր հարցման տվյալները
1 մլրդ 200 մլն դրամի հայտ ենք ներկայացրել կառավարություն՝ պետպատվերի համար. Անահիտ Ավանեսյան. ՏԵՍԱՆՅՈՒԹ
Հասարակություն
16.09.2021 | 13:16
Շաբաթվա սկզբին գրավոր քվեարկությամբ ընդունվել է կառավարության որոշումը, որով նախատեսվում է լրացուցիչ ֆինանսական միջոցներ ուղղել առողջապահության ոլորտին: Այս մասին Factor.am-ի հետ զրույցում նշեց առողջապահության նախարար Անահիտ Ավանեսյանը:
Նրա խոսքով՝ կառավարությունը նաև ներքին վերաբաշխումների նախագիծ է ընդունել: Ավանեսյանի հավաստմամբ՝ արտոնություններ ունեցող, սոցիալապես անապահով քաղաքացիների համար ևս հատկացումներ են լինելու:
«Նախագիծն արդեն ուղարկվել է կառավարություն, կքննարկվի, ընթացակարգով կանցնի և լրացուցիչ հատկացումներ կունենանք նաև սոցիալապես անապահով քաղաքացիների համար:
Վերջին մեկ – երկու տարիներին առողջապահական գործակալությունն ամեն դեպքի համար վերլուծությունններ է անում, թե ինչքանով են արդարացված եղել հատկացումները, պահպանվել են արդյոք կառավարության կողմից սահմանված կանոնները, թե ոչ, և այդ բոլոր վերլուծությունների արդյունքում կունենանք կոնկրտ հաշվարկ, թե ամբողջական գումարի պահանջարկը ինչքան է լինելու: Մենք նախագծով 1 մլրդ 200 մլն դրամի հայտ ենք ներկայացրել»,- նշեց Ավանեսյանը:
Մանրամասները՝ տեսանյութում:
