13.02.2026 | 13:47
Վալերիյ Օսիպյանի և Ռոբերտ Մելքոնյանի համար խափանման միջոց է ընտրվել
Ձեզ թվում է` պետք է կյանքը կանգնացնե՞նք, զբաղվենք միայն այդ ճանապարհով. Քերոբյանը` ադրբեջանական անցակետի մասին. ՏԵՍԱՆՅՈՒԹ
Քաղաքականություն
16.09.2021 | 12:42
«Ձեզ թվում է` պետք է կյանքը կանգնացնե՞նք, զբաղվենք միայն այդ ճանապարհո՞վ. չշնչենք- չարտաշնչե՞նք, չքնենք-չզարթնե՞նք: Այդ խնդիրը պետք է լուծել, բայց բացի դրանից՝ կան նաև շատ այլ խնդիրներ և դրանք ևս պետք է լուծել»,- կառավարության նիստից հետո լրագրողների հետ ճեպազրույցում ասաց Էկոնոմիկայի նախարար Վահան Քերոբյանը՝ անդրադառնալով Գորիս-Կապան ճանապարհին ադրբեջանցիների կողմից իրանական բեռնատարները ստուգելու և գումար գանձելու վերաբերյալ հարցին։
«Խնդիրը պետք է լուծվի բանակցությունների միջոցով, բանակցություններն անընդհատ են տեղի ունենում, շփումն արդեն կա՝ թե՛ դիվանագետների, թե՛ ռազմական գործիչների, թե՛ անվտանգության ծառայությունների միջև… Որոշ ուղղություններով կա արդյունավետ համագործակցություն»,- նշեց Քերոբյանը:
Անդրադառնալով հարցին, թե հնարավոր է իրանական կողմը դադարեցնի ապրանքների ներմուծումը Հայաստան՝ Քերոբյանը նշեց. «Խոչընդոտներ են առաջացել, բայց չեմ կարծում, թե խոշոր չափի պրոբլեմ կա, խոչընդոտը, վստահ եմ, կհաղթահարվի շատ մոտ ապագայում: Բայց, գիտեք, որ ունենք նաև շրջանցիկ ճանապարհ, որը լավը չէ, բայց աշխատող ճանապարհ է, և վատագուն դեպքում, մենք, այպես ասած, պլան Բ-ն ունենք: Հիմա ինտենսիվ աշխատանքներ ենք իրականացվում, որպեսզի այդ ճանապարհն ավելի հարմար լինի անցնելու համար, նաև Հյուսիս-հարավ ճանապարհի Քաջարան-Սիսիան հատվածի վերաբերյալ շատ մոտ ենք գործնական խոշոր քայլեր անելու, կառավարությունը նախատեսում է 1 միլիարդ դոլար ներդնել Քաջարան-Սիսիան հատվածի կառուցման համար»:
Մանրամասները՝ տեսանյութում:
