25.09.2026 | 02:47
ՀՀ-ում սպասում են Ադրբեջանում անազատության մեջ հայտնված հայերի վերադարձին. վարչապետի ելույթը ՄԱԿ-ում
ԵՄ-ն պատրաստ է աջակցել հայ-ադրբեջանական սահմանի լարվածության թուլացմանը
Քաղաքականություն
15.09.2021 | 14:11
Հարավային Կովկասի ու Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարն ամփոփել է Հայաստան կատարած այցն ու կարևորել է հայ-ադրբեջանական սահմանին լարվածության նվազումը։ Այս մասին նա գրառում է կատարել թվիթերյան իր էջում։
«Հայաստան կատարած այցի լավ ավարտ երկու օրվա ինտենսիվ հանդիպումներից հետո։ Երասխ այցը հստակ պատկերացում տվեց, թե ինչքան մոտ են տեղակայված Հայաստանի ու Ադրբեջանի դիրքերը։ Կարևոր է նվազեցնել սահմանի լարվածությունը՝ բանակցությունների մթնոլորտը բարելավելու համար։ ԵՄ-ն պատրաստ է դրան աջակցել»,- գրել է Կլաարը։
Նշենք, որ Հայաստան կատարած այցի շրջանակում ԵՄ պաշտոնյան հանդիպել էր ՀՀ վարչապետ Նիկոլ Փաշինյանին, ԱԳ նախարար Արարատ Միրզոյանին։ Կլաարը պատրաստվում է այցելել նաև Ադրբեջան։
Էմմա Չոբանյան
