17.07.2026 | 13:50
Մոսկվայում մեկնարկել են Լավրով-Բայրամով բանակցությունները
2008-ին խաղաղ ցուցարարների վրա հարձակման գործընթացը նախապատրաստելու մեջ մեծ դեր է ունեցել Քոչարյանը. Սեդա Սաֆարյան. ՏԵՍԱՆՅՈՒԹ
Հասարակություն
15.09.2021 | 11:53
Վերաքննիչ դատարանում, նախագահող դատավոր Նարինե Հովակիմյանի գլխավորությամբ, շարունակում է սահմանադրական կարգի ենթադրյալ տապալման գործի կարճման վերաբերյալ պաշտպանների և դատախազների բողոքի քննությունը:
Հիշեցնենք, օգոստոսի 30-ի նիստում փաստաբանները միջնորդություն էին ներկայացրել՝ վերացնել գրավը կամ նվազեցնել դրա չափը. նախորդ տարվա հունիսին, դատավոր Արսեն Նիկողոսյանի որոշմամբ Ռոբերտ Քոչարյանն ազատ էր արձակվել 2 մլրդ դրամ գրավի դիմաց: Գրավի այդ չափն աննախադեպ է ՀՀ-ի համար։ Պաշտպանական կողմի միջնորդության հիմքում դրված է այն հանգամանքը, որ 300.1 հոդվածի հատկանիշներով քրեական հետապնդումը դադարեցվել է և նշված խափանման միջոցը որոշելու պատճառների մեծ մասը վերացել է: Հիշեցնենք, որ ավելի վաղ Սահմանադրական դատարանը 300.1 հոդվածը (սահմանադրական կարգի տապալում), ըստ որի մեղադրանքներ էին առաջադրվել Ռոբերտ Քոչարյանի, ինչպես նաև նախկին փոխվարչապետ Արմեն Գևորգյանի, պաշտպանության նախկին նախարար Սեյրան Օհանյանի և ՀԱՊԿ նախկին գլխավոր քարտուղար Յուրի Խաչատուրովի դեմ, հակասահմանադրական էր ճանաչել։ Այդ մասով մեղադրանքը հանվել էր, իսկ քրեական հետապնդումը՝ դադարեցվել։
Տուժողի պաշտպան Սեդա Սաֆարյանն այսօր իր ելույթում հայտարարեց, որ առաջին ատյանի դատարանի որոշումն անհիմն է: Իր գնահատմամբ, քրեական հետապնդումը դադարեցնելու՝ դատարանի հիմնավորումը ապացուցում է, որ դատարանն էլ է գիտակցել, որ տվյալ նորմի սահմանադրականության խնդիրը դեռ չի նշանակում, որ հանցակազմը բացակայում է, ուստի դատարանն ընտրել է հանցագործության դեպքի հիմքով քրեական հետապնդումը դադարեցնելու հիմքը: Դա, Սեդա Սաֆարյանի գնահատմամբ, տուժող կողմի համար ծանր հետևանքներ է առաջացրել՝ երկու անգամ՝ 2008-ին և այժմ զրկելով տուժող կողմին իրենց իրավունքի պաշտպանություն իրականացնելուց:
Սաֆարյանն նաև նշեց, որ ապացուցված է ամբաստանյալների առնչությունը և մասնակցությունը հանացագործության կատարմանը:
Փաստաբանն ընդգծեց. «2008-ին խաղաղ ցուցարարների վրա հարձակման գործընթացը նախապատրաստելու մեջ մեծ դեր է ունեցել Ռոբերտ Քոչարյանը»:
Մանրամասները՝ տեսանյութում:
