06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Հոկտեմբերի 27-ի գործով չեմ ասել բոլոր հանցակիցները, պատվիրատուները բացահայտված են․ Ջհանգիրյան. ՏԵՍԱՆՅՈՒԹ
Հասարակություն
14.09.2021 | 13:25
«Հայաստան» խմբակցության պատգամավոր Ագնեսա Խամոյանն ԱԺ-ում ընթերցեց ԲԴԽ նախագահի պաշտոնակատար Գագիկ Ջհանգիրյանի՝ 2017թ. հարցազրույցից մի հատված, որտեղ նա նշել է. «Բայց Ձեզ ով ասաց՝ չբացահայտվեց, Հոկտեմբերի 27-ի գործը, ինչ կա -չկա` բացահայտված է, և ամեն ինչ քրեական գործի նյութերում է՝ թե՛ հիմնական, որը գնացել է դատարան, թե՛ անջատված մասի գործի նյութերում է: Ամեն ինչ քրեական գործի մեջ է: Ջհանգիրյանն իր գզրոցում, բարձի տակ որևէ բան չի պահել»:
Պատգամավորը հետաքրքրվեց, թե արդյո՞ք Ջհանգիրյանը նույն կարծիքին է մնացել, թե այնուամենայնիվ, որպես ԲԴԽ նախագահ, գզրոցներից ինչ-որ բան կհանի:
Գագիկ Ջհանգիրյանը պատասխանեց, որ ինչ ասել է, ուժի մեջ է. «Ամեն ինչ այդ գործի մեջ է, ամեն ինչ բացահայտված է, պարզ է, և հիմա էլ նախաքննությունը շարունակվում է, մենք այն ժամանակ, այդ պայմաններում, կարողացել ենք անել անհնարինը, և այդ ամենը արձանագրված է գործի նյութերում: Այո՛, իմ գզրոցներում որևէ բան չկա, ինչ կա, այդ գործի մեջ է: Ժամանակին, երբ ինձ հանիրավի կասկածում էին, իմ գզրոցները քրքրել են, չկասկածեք»:
Ջհանգիրյանը հստակեցրեց. «Ես չեմ ասել, որ բոլոր հանցակիցները, պատվիրատուները բացահայտված են, այլ ասել եմ՝ ինչ կա – չկա այդ գործի մեջ է»:
Մանրամասները՝ տեսանյութում:
