16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Տունս գոմ եմ անվանել, որովհետև կողքի տներն ապարանքներ են․ Ջհանգիրյան. ՏԵՍԱՆՅՈՒԹ
Քաղաքականություն
14.09.2021 | 11:24
Դուք մշտապես եղել եք բարձրաստիճան պաշտոնյա, Ձեր կենսագրությունից չի երևում, որ ձեռնարկատիրական գործունեությամբ եք զբաղվել։ Որտեղի՞ց Ձեզ այն գումարը, որով Դուք Երևանի հայտնի թաղամասում հսկայական առանձնատուն եք կառուցել, որի գինը նվազեցնելու համար այն «գոմ» անվանեցիք։ Ի դեպ, Ձեր նշած այդ «գոմում» հիմա Հայաստանում Իրաքի դեսպանատունն է տեղակայված։ Իրաքի դեսպանատանը տեղյա՞կ են, որ Ձեզանից «գոմ» են վարձակալել, խորհրդարանում ԲԴԽ նախագահի պաշտոնակատարին հարցրեց ԱԺ «Հայաստան» խմբակցության պատգամավոր Արեգնազ Մանուկյանը։
Գագիկ Ջհանգիրյանը պատասխանեց, որ Իրաքի դեսպանատունը այդ առանձնատունը վարձակալել է ոչ թե իրենից, այլ իր որդուց,քանի որ դա նրա բնակարանն է:
ԲԴԽ նախագահի պաշտոնակատարը ներկայացրեց իր առանձնատան կառուցման մասին պատմությունը, որը ներկայացրել էր նախորդ գումարման ԱԺ-ում:
Նա հիմնավորեց, թե ինչու է իր հայտնի առանձնատունը «գոմ»անվանել։
«Գիտե՞ք՝ ինչու «գոմ» անվանեցի։ Որովհետև հարևանությամբ ապարանքներ են, իմ տունը համեստ տուն է այդ ապարանքների համեմատ։ Թող ներեն ինձ Իրաքի դեսպանատան աշխատողները, որ իրենք այդպիսի վատ պայմաններում են բնակվում»,- ասաց Ջհանգիրյանը։
Նշենք, որ ԱԺ-ում քննարկվում է Վճռաբեկ դատարանի դատավորի ընտրության հարցի քննարկումը։
Մանրամասները՝ տեսանյութում:
