07.08.2026 | 20:52
Ուկրաինական անօդաչու նավակները հարձակվել են Յալթայի ափամերձ շենքի վրա, որտեղ ռեստորաններ են տեղակայված
Սլովակիայի հետ համատեղ իրականացնելու ենք էներգետիկայի և ՏՏ-ի հետ կապված ծրագրեր․ Արարատ Միրզոյան. ՏԵՍԱՆՅՈՒԹ
Տնտեսություն
14.09.2021 | 11:16
Հայաստանի ու Սլովակիայի ԱԳ նախարարները Երևանում կայացած հանդիպմանը հանգամանալից անդրադարձ է կատարվել տարածաշրջանում տեղի ունեցող զարգացումներին:
Հանդիպմանը հաջորդած համատեղ մամուլի ասուլիսում ՀՀ արտգործնախարար նախարար Արարատ Միրզոյանը նշեց, որ խոսել են Արցախի և Արցախի ժողովրդի դեմ Ադրբեջանի կողմից սանձազերծած լայնածավալ ագրեսիայի մասին, անդրադարձ է կատարվել այդ օրերին թույլ տրված հանցագործություններին:
«Խոսել ենք Ադրբեջանի՝ եռակողմ հայտարարության դրույթները չկատարելու մասին: Մասնավորապես, դա վերաբերում է հայ ռազմագերիներին և բռնի պահվող քաղաքացիական անձանց չվերադարձնելուն: Խոսել ենք մշակութային ժառանգության պահպանման հարցերի շուրջ: Անդրադարձել ենք նաև Հայաստան-Ադրբեջան սահմանին տիրող լարվածությանը, Ադրբեջանի սադրիչ գործողություններին, Հայաստանի տարածքներ ներթափանցելուն: Խոսել ենք բոլոր առկա խնդիրները խաղաղ, բանակցությունների ճանապարհով լուծելու մասին, մասնավորապես, ԼՂ-ի հիմնախնդրի շուրջ խաղաղ բանակցությունների շարունակության անհրաժեշտությունը ԵԱՀԿ Մինսկի խմբի համանախագահության շրջանակում»,- ասաց Արարատ Միրզոյանը:
ՀՀ արտգործնախարարը նաև հայտնեց, որ Հայաստանը Սլովակիայի հետ համատեղ իրականացնելու է էներգետիկայի և ՏՏ-ի հետ կապված ծրագրեր:
Մանրամասները՝ տեսանյութում:
